Page images
PDF
EPUB

canonicatus et prebendas eidem Ristardo conferre et assignare, rectorias vero ac vicariam predictos, eciam si dispositioni apostolice specialiter reservati existant, et super eis inter aliquos lis cujus statum presentibus haberi volumus, pro expresso pendeat indecisa, dummodo tempore dati presentium non sit in eis alicui specialiter jus quesitum, et dicte rectorie de Donnayre collatio devoluta sit, ut prefertur, canonicatui et prebende ecclesie Tuamensis hujusmodi, quandiu prefatus Ristardus illos, si sibi ut prefertur conferantur, obtinuerit, duntaxat unire, annectere et incorporare, cum plenitudine juris canonici, ac omnibus juribus et pertinentiis suis, auctoritate nostra, curetis, inducentes per vos, vel alium seu alios, eundem Ristardum, vel procuratorem suum ejus nomine, in corporalem possessionem vacantium canonicatuum et prebendarum ac rectoriarum et vicarie unitarum, juriumque et pertinentium predictorum, et defendentes inductum, amotis dictis Waltero, et Thoma seniore, ac Thoma juniore, et quibuslibet aliis illicitis detentoribus ab eisdem, ac facientes Ristardum vel pro eo procuratorem predictum, ad vacantes prebendas hujusmodi, in utraque dictarum Tuamensis et Clonfertensis ecclesiarum, in canonicum recipi et in fratrem, stallo sibi in choro, et loco in capitulo utriusque ipsarum Tuamensis et Clonfertensis ecclesiarum, cum dicti juris plenitudine, assignatis; sibique de vacantium canonicatuum et prebendarum, ac unitarum rectoriarum et vicarie predictorum, fructibus, redditibus, proventibus, juribus, et obventionibus universis, integre responderi, contradictores, auctoritate nostra, appellatione postposita, compescendo. Non obstantibus voluntatibus prioribus, ac statuto et ordinatione nostris predictis; necnon pie memorie Bonifacii Pape VIII. etiam predecessoris nostri illa presertim qua, inter alia, cavetur ne quis extra suam civitatem vel diocesim, nisi in certis exceptis casibus, et in illis ultra unam dietam a fine sue diocesis, ad judicium vocetur, seu ne judices, a sede predicta deputati, extra civitatem et diocesim in quibus deputati fuerint, contra quoscunque procedere, seu alii vel aliis vices suas committere presumant. Et de duabus dietis in concilio generali editâ, dummodo aliquis auctoritate presentium ultra tres dietas non trahatur, et aliis apostolicis constitutionibus, ac Tuamensis et Clonfertensis ecclesiarum predictarum juramento, confirmatione apostolica, vel quavis firmitate alia roboratis, statutis et consuetudinibus contrariis quibuscunque. Aut si aliqui, apostolica vel alia quavis auctoritate, in Tuamensis vel Clonfertensis ecclesiis predictis in canonicos sint recepti, vel ut recipiantur insistant, seu si super provisionibus sibi faciendis de canonicatibus et prebendis ipsarum Tuamensis et Clonfertensis ecclesiarum, ac hujusmodi vel aliis beneficiis ecclesiasticis in illis partibus, speciales vel generales, dicta sedis vel Legatorum ejus litteras impetrarint, etiam si per eas ad inhibitionem, reservationem et decretum, vel alias quomodolibet sit processum, quasquidem litteras et processus habitos per easdem ad rectorias et vicariam predictas nolentes extendi, eundem Ristardum in

assecutione

assecutione vacantium canonicatuum et prebendarum predictorum volumus anteferri, sed nullum per hoc eis, quoad assecutionem canonicatuum et prebendarum seu beneficiorum aliorum, prejudicium generari. Aut si venerabilibus fratribus nostris Tuamensi et Clonfertensi Episcopis, ac dilectis dictarum Tuamensis et Clonfertensis ecclesiarum capitulis, vel quibusvis aliis communiter vel divisim, ab eadem sit sede indultum, quod ad receptionem vel provisionem alicujus minime teneantur, et ad id compelli, aut quod interdici, suspendi vel excommunicari, aut extra vel ultra certa loca ad judicium evocari non possint. Quodque de canonicatibus et prebendis ipsarum Tuamensis et Clonfertensis ecclesiarum, ac hujusmodi vel aliis beneficiis ecclesiasticis ad eorum collationem, provisionem, presentationem seu quamvis aliam dispositionem, conjunctim vel separatim, spectantibus, nulli valeat provideri per litteras apostolicas, non facientes plenam et expressam, ac de verbo ad verbum de indulto hujusmodi, mentionem, et quibuslibet aliis privilegiis, indulgentiis et litteris apostolicis, generalibus vel specialibus, existant, per que presentibus non expressa, vel totaliter non inserta, effectus earum impediri valeat quomodolibet vel differri, et de quibus quorumque totis tenoribus habendo sit in nostris litteris mentio specialis. Seu si dictus Ristardus presens non fuerit, ad prestandum, de observandis statutis et consuetudinibus Tuamensis et Clonfertensis ecclesiarum predictarum, solita juramenta, dummodo in absentia sua, per procuratorem ydoneum, et . . . . . ecclesias predictas accesserit corporaliter illa prestet. Volumus autem quod propter unionem, annexionem et incorporationem predictas, si vigore presentium fiant, rectorie ac vicaria predicte debitis non fraudentur obsequiis, et animarum cura in eis nullatenus negligatur, sed earum congrue supportentur onera consueta. Ac quod dicto Ristardo cedente vel decedente, seu canonicatum et prebendam ecclesie Tuamensis hujusmodi alias quomodolibet dimittente, unio, annexio et incorporatio predicte dissolute sint et esse censeantur, ipseque rectorie et vicaria in pristinum statum revertantur, eo ipso, et insuper, ex nunc irritum decernimus et inane, si secus super hiis a quoquam, quavis auctoritate, scienter vel ignoranter, contigerit attemptari. Datum Rome apud Sanctum Petrum, Anno incarnationis Dominice millesimo quingentesimo undecimo, quinto Id. Januar. Pontificatus nostri anno nono.

[Sub plumbeo sigillo pendente à filo canabeo.]

"Processus de Gnobegge, &c.

“A. D. 1497.

"Reverendissimo in Christo patri domino, domino Willielmo, miseracione divina, Archiepiscopo Tuamensis, Matheus, eadem miseracione, Episcopus Clonfertensis, ac David de Burgo Canonicus cathedralis ecclesie Clonfertensis, ac in causa rectorie de Gnobeg,

Gnobeg, ac vicariarum de Mychullyn, et Kylcommyn, et Kybrowan, ac Raffun, Enachdunensis diocesis; contra et adversus Mauritium O Flahartt super vicaria de Gnobeg, ac Rodricum O Kennewayn super vicariis de Kylcommyn et Kylrowayn, et contra Odonen O'Flaharthit, ad instanciam Wardiani, et octo perpetuorum vicariorum ecclesie collegiate Sancti Nicholai ville Galvie, dicte diocesis, omnibusque aliis et singulis ad quos dictarum vicariarum et rectorie collacio, provisio, presentacio seu quevis alia disposicio, de jure vel consuetudine, spectare dinoscitur, salutem, et nostris ymo verius apostolicis firmiter in hac parte obedire mandatis, litteras siquidem sanctissimi in Christo patris ac domini, domini Alexandri, digna Dei providencia Pape, sexti, cum cordula canapis, more Romane curie, bullatas, sanas, integras, non viciatas, non cancellatas, nec in aliqua sui parte suspectas, sed omnino prorsus vicio et suspicione carentes, prout, prima facie, nobis apparebat, per prefatos wardianum et vicarios nobis, cum ea qua decuit reverencia, presentatas, nos noveritis recepisse, quarum litterarum tenor, de verbo ad verbum, sequitur, et est talis. Alexander Episcopus, servus servorum Dei, venerabili fratri nostro episcopo Clonfertensi, ac dilecto filio Davidi de Burgo canonico ecclesie Clonfertensis, salutem et apostolicam benedictionem. Humilibus supplicum votis libenter anuimus, eaque favoribus prosequimur oportunis. Exhibita siquidem nobis nuper, pro parte dilectorum filiorum wardiani secularis et collegiate ecclesie Sancti Nicholai ville Galvie, Enachdunensis diocesis, et octo perpetuorum vicariorum, peticio, continebat quod, licet perpetua parochialis ecclesie de Mykullyn dicte diocesis, eidem ecclesie Sancti Nicholai, perpetuo canonice unita existit, tamen dilectus filius Mauricius O'flahartt, pro clerico se gerens, falso asserens vicariam predictam ad se, pretextu quarundam litterarum apostolicarum, seu alias, pertinere de jure, easdem wardianum et vicarios super hoc, inter alia, petendo vicarias hujusmodi sibi adjudicare, coram dilecto filio Milero O'Kennewan canonico Tuamensi, quem judicem super hoc competentem, auctoritate apostolica, deputatum esse dicebat ; traxit in causam, et idem Milerus in causa ipsa perperam procedens, diffinitivam, pro dicto Mauritio, et contra wardianum et vicarios prefatos, sentenciam promulgavit iniquam, a qua, pro parte wardiani et vicariorum eorundem, ad sedem fuit apostolicam appellatum, sed ipsi wardianus et vicarie, legittimo, ut asserunt, impedimento detenti, appellacionem hujusmodi non fuerunt infra tempus debitum prosecuti, quare, pro parte wardiani et vicariorum eorundem, nobis fuit humiliter supplicatum, ut, lapsu dicti temporis non obstante, appellationis predicte, ac post et contra illam attemptatorum et innovatorum quorumcunque, ac predictarum et quarumlibet aliarum litterarum, per ipsum Mauritium super hoc quovis modo impetratarum, surreptionis et obreptionis illarum, et processus et sententie hujusmodi aliorumque omnium et singulorum per Mylerum et Mauritium predictos, ac quoscunque alios judices et personas, in wardiani

et

et vicariorum ac ecclesie Sancti Nicholai prejudicium, circa premissa quocunque gestorum, nullitatis et invaliditatis tocius, quoque principalis negocii, necnon omnes et singulos quos wardianus et vicarii predicti contra dictum Mauritium, ac dilectos nobiles viros Willielmum de Burgo, et ejus fratres ac ejus natos domicellos, et ceteros eorum consanguineos, ac Thadeum M'breyn Flaharthyt, Ricardum alias Risterdum de Burgo, et quoscunque alios clericos et laicos super rectoria et vicariis hujusmodi, impedimentis, molestationibus, dampnis et injuriis eisdem wardiano et vicariis ac ecclesie Sancti Nicholai super hujusmodi et aliis rectoriis et perpetuis vicariis ac beneficiis ecclesiasticis, eidem ecclesie Sancti Nicholai similiter unitis, et illorum occasione, indebite illatis, ac aliis rebus, communiter et divisim; movere intendunt, causas aliquibus probis viris in partibus illis committere, et alia in premissis oportune providere, de benignitate apostolica dignaremur. Nos igitur hujusmodi supplicacionibus inclinati, discretioni vestre, per apostolica scripta, mandamus, quatenus vos vel alter vestrum, si vocatis Mauritio ac clericis et laicis prefatis, ac aliis qui fuerint evocandi, quod de impedimento hujusmodi proponitur veritate fulcitur, auditisque hinc inde propositis, eciam de principali negocio hujusmodi cognoscentes, legittime quod justum fuerit, appellatione remota decernatis facientes quod decreveritis per censuram ecclesiasticam firmiter observari. Testes autem qui fuerunt nominati, si se gratia, odio vel timore substraxerint, censura simili, appellatione cessante, compellatis veritati testimonium perhibere. Non obstantibus lapsu dicti temporis, necnon felicis recordationis Bonefacii Pape octavi predecessoris nostri qua cavetur, inter alia, ne quis extra civitatem et diocesim, nisi in certis exceptis casibus, et in illis ultra unam dietam a fine sue diocesis ad judicium evocetur, seu ne judices ab eadem sede deputati, extra civitatem et diocesim in quibus deputati fuerint, contra quoscunque procedere, seu alii vel aliis vices suas committere presumerint, dummodo ultra duas dietas, auctoritate presencium, aliquis non trahatur, et constitutionibus ac ordinacionibus apostolicis contrariis quibuscunque. Aut si Mauritio et clericis et laicis predictis, vel quibusvis aliis communiter vel divisim, ab eadem sede sit indultum, quod suspendi, interdici vel excommunicari non possint, aut extra vel citra loca ad judicium evocari non possint, per literas apostolicas non facientes plenam et expressam, ac de verbo ad verbum et inde indulto hujusmodi mentionem. Datum Rome apud Sanctum Petrum anno incarnationis dominice M. ccccmo nonagesimo sexto, tercio Idûs Aprilis, Pontificatus nostri anno quarto. Post quarum quidem literarum apostolicarum presentacionem et receptacionem nobis, et per nos factas, fuimus per prefatos wardianum et vicarios debita cum instancia requisiti, quatenus id executionem predictarum literarum et contentorum in eis procedere dignaremur. Nos igitur mandatum apostolicum volentes exequi, ut tenemur, competencie jurisdictionis et validitatis litterarum ac

[ocr errors]

citacionis

citacionis citandorum per nos prius interpositis, decretis certis nostris nunciis et apparitoribus, per nostras patentes literas, dedimus in mandatis, quos predictos Mauritium, Odonem et Rodericum dictarum vicariarum et rectorie detentores, ad instanciam predictorum wardiani et octo perpetuorum vicariorum, predictos Mauritium, Odonem et Rodericum citarent seu citari facerent ad certos diem et locum, ipsisque apparitoribus coram nobis apparentibus, in die et loco prestitis, juramentis de emissione citacionis fidem coram nobis facientibus, de personali citacione predictorum Mauritii, Odonis et Roderici, corporali prestito juramento, fidem fecerent, et quod ipsis personaliter citatis, manifeste ac palam et publice dixerint, et ipsorum quilibet dixit, se nullatenus velle comparere, assumptisque nobis ante omnia duobus viris ydoniis, in locum tabellionis datis decretis per nos manifeste contumacie predictorum citatorum, proposita peticione. formali coram nobis per procuratorem predictorum wardiani et vicariorum, de cujus procuratoris nobis legittime constabat assignatisque prius modis diversis terminis, pro convincenda predictorum manifesta contumacia, ipsisque minime comparentibus, nec per se neque per procuratores, in ipsorum manifesta contumacia perseverantes. Monstratis articulis ex parte wardiani et vicariorum, super veritate petitorum et relatorum, testibus super premissis rite receptis, et ipsorum attestacionibus publicatis, ac literis vestris, pariter et apostolicis, super unione predictorum beneficiorum facta ipsi ecclesie collegiate Sancti Nicholai ville Galvie, ex parte predictorum wardiani et vicariorum nobis in judicio exhibitis, et perlectis diligenter, discussis et examinatis, invenimus pariter cognovimus luculenter fore probatum, quod prefati Mauritius, Odo et Rodericus in rectoria et vicariis predictis, predictos wardianum et vicarios, de facto, perturbarunt et inquietarunt, quo minus fructus, redditus et proventus dictarum rectorie et vicariarum percipere possint, ac quod ipsi . . . . . appellacionem a dilecto filio Mylero O'Kennewan per wardianum et vicarios interpositam, et ab ejus sentenciam innovarunt et attemptarunt, fructus, redditus et proventus dictarum rectorie et vicariarum in suos . . . . . usque in prejudicium non modicum dictorum wardiani et vicariorum, et ecclesie collegiate Sancti Nicholai, dampnabiliter convertendo. Ideoque nos, Altissimi nomine invocato, de cujus vultu rectum procedit judicium, cujusque oculi vident equitatem, predictam sentenciam, auctoritate apostolica qua fungimurin hac parte, infirmamus, cassamus et irritamus, et cassam et irritam, ymo verius nullam fore et esse, per presentes pronunciamus. Quapropter vobis Reverendissimo domino ac domino Willielmo archiepiscopo Tuamensi, in virtute Sancte obediencie precipimus, et precipiendo mandamus, quatenus, visis presentibus literis, predictos Mauritium, Odonem et Rodericum, auctoritate nostra, ymo verius apostolica, moneatis ut infra sex dies, lecturam presencium immediate sequentes, ut a dicta molestacione et perturbacione omnino desistant, realiter et cum effectu, qui momtis, vestris ymo verius nostris et apostolicis, non pervenerint [sic] elapsis supradictis vi. diebus, quorum duos pro primo, duos pro secundo reliquos

IRISH ARCH. SOC. NO. 15.

2 A

.....

« PreviousContinue »