AD QVARTAM EDITIONEM PRAEFATIO. Quod per hanc provectam aetatem fore non speraveram, Dei benignitate factum est, ut etiam quartum huic syllogae edendae cum vita tum vires suppeterent. Nec sine causa tertiae editionis in titulo adscriptum elogium auctae et emendatae etiam in hac quarta retinere licuit. quanquam id iam, perpaucis et subitaneis tantum in ceteris partibus exceptis, fere solum ad Gaii Institutiones spectat nunc ad Studemundi apographum exactas, qua de re ad eas separatim praemonui. Mallem sane, etiam cetera ut novis curis perpetuis adhibitis limatiora prodirent et ita posteris traderentur. Sed eas cum senescentibus viribus impendere non potuerim, solatio est, quod sic uti adhuc quae edo infructuosa non fuerunt, eadem etiam in posterum aliquam utilitatem habere posse videntur, donec melioribus cedant. Scr. Vratislaviae mense Octobri MDCCCLXXVIII. AD QVINTAM EDITIONEM PRAEFATIO. Evenit Dei gratia, quod nunquam speraveram et, ut ipsa res clamat, multo minus etiam quam in curanda quarta editione, fore exspectari poterat, ut adeo quintae huius syllogae editio a me desideraretur eique nunc praefandum sit. Quae cum retento elogio auctae et emendatae prodit, hoc quod ad ceteras quidem partes collectionis attinet, rursus ut in quarta editione potissimum ad Gaii institutiones nunc Supplementis Studemundianis' auctas referri velim, de qua re in praefatione peculiari accuratius disserui. Interim tamen etiam novae quaedam reliquiae iurisprudentiae anteiustinianae in lucem protractae sunt, quae permodici nec paene separatae editioni in posterum sufficientis ambitus ob id ipsum multo aptius collectioni inseruntur et ita hanc syllogen nostram denuo edendam pro consilio et ratione eius quasi naturaliter auxerunt. Ex Papiniani responsis et libro quidem eorum primo extra Iustiniani corpus iuris antea pauci tantum versus et quasi in memoriam vel honorem modo tanti viri Breviario Alariciano servati erant. Accesserunt nunc ex proprio pervetustoque huius operis cum notis Pauli et Ulpiani codice primo folium duplicatum Berolinense et paulo post frusta quaedam Parisiis asservata, illud libro quinto, haecce libro nono assignanda: utraque vero, quatenus suo nitori potuerunt restitui, rursus praeclarorum horum ingeniorum insignes foetus. Sed et ipsi Ulpiano suo nomine et libris quidem eius, ut demonstravi, ad edictum, ex quibus extra Digesta antea tantum verba aliqua ab aliis scriptoribus relata habebamus, novae maioris momenti quanquam mutilae sententiae addendae erant, quas folium singulare Berolinense suppeditavit. Deinde ex inferiore aetate Iustiniano iam vicina nisi adeo coaeva prodierunt incerti auctoris scholiorum Graecorum in Ulpiani libros ad Sabinum reliquiae quae vulgo nunc Fragmenta iuris Romani Sinaitica ex monasterio, ubi reperta sunt, appellantur, nec ea contemnenda, et suo loco inserenda. Haec omnia augmenta ex mea recensione, partim tantum iam antea publici iuris facta vulgantur, ut etiam hac parte nostra editio nova lectori offerat. In votis quidem aliquando erat, etiam librum iuris Syro Romani a C. G. Brunsio socio assumpto Sachau publicato, et ipsum sane ante Iustinianum confectum vel saltem sententias iuris consultorum Romanorum, quae in eo continentur, aliquo modo in nostram collectionem posse recipere, ne quid in ea, quod titulus promittere videtur, desideraretur. Sed et linguae diversitas aliaeque difficultates rei apte perficiendae effecerunt, ut perpensa re, hoc consilium, peritorum ut spero, cum plausu, abiicerem. Scrib. Vratislaviae mense Maio a. MDCCCLXXXV. IVRISPR. ANTEI. REL. ED. V. b De Gaio eiusque scriptis dissertatio praevia Gaii institutionum iuris civilis commentarii quattuor L. Volusii Maeciani assis distributio. Iurisconsulti cuiusdam, Cervidii Scaevolae, ut videtur, ex regularum libro primo desumpta pars, a Dositheo servata. Aemilius Papinianus. 148 172 409 411 424 De Iulio Paullo eiusque sententiarum libris praemonitio 450 Iulii Paulli sententiarum ad filium libri quinque. . 457 Eiusdem ex institutionum lib. II. fragmentum 562 Domitius Ulpianus De Ulpiani fragmentis praemonitio 563 Domitii Ulpiani quae vocant fragmenta sive libri singularis regularum reliquiae 568 Stemmata cognationum . Fragmentum de iure fisci, ex Ulpiani, ut videtur, opi Pag. 628 633 644 Lex Dei sive Mosaicarum et Romanarum legum collatio 645 Fragmenta iuris Romani Vaticana. 706 Fragmenta iuris Romani Sinaitica 815 Consultatio. 835 Cyrillus. Domninus. Demosthenes. Eudoxius. Patricius. Amblichus 860 |