IN PROPERTIUM PRÆFATIO. Quod volumen istud nullius interpretis nomine inscriptum prodeat, mirum forsitan tibi videbitur, lector optime; sed quum notas et cætera totius operis ornamenta diligenti animo recognoveris, admirationem profecto majorem futuram tibi facile crediderim. Doctrinam etenim, studium industriamque adeo non huic libro defuisse invenies, tamque patientem ubique et peritam interpretis deprehendes manum, ut laudem satis amplam, quicumque curam hanc gravem susceperit, vindicare tibi potuisse censeas, nedum cognosci vereretur. Totum enim hune laborem vir nobis amicissimus confecit, et pace illius dicam, perfecit. Quum autem summam operi marum nondum imposuisse sibi videretur, et minus probarentur quædam etiamnunc partes, præsertim quod ad Indices attinet, nec jam sineret tempus, urgente hujus editionis lege, sedulitati nimium argutæ immorari, nomen suum vir doctus nobis invidit, ne, si quid adhuc castigatius desideraretur, reus fieret, singularique illa religione et ut ita dicam ambitiosa modestia se meritæ laudis fructu defraudavit. Cedendum igitur fuit huic voluntati, quanquam quum unum e tanto numero Latinorum auctorum sine certo interpretis nomine evulgari, tum doctissimum aliquem laboris illius nostri participem in partem, etiam laudis non venire haberemus iniquum. Annuimus tamen, et te monitum voluimus, lector benevole, ne ipse in suspicionem incidas non peculiarem Propertio curam, neque Eruditissimi viri facultates adhibitas fuisse. In tuis autem manibus habes, quanta diligentia et sagacitate emendata simul poetæ verba et enucleatæ sententiæ sint, ita ut Romanus iste Callimachus ab integro retractatus studiosis omnium animis novus omnino commendetur. Accedit etiam huic editioni proprium quiddam, Imitationes scilicet, id est, loca Gallicorum scriptorum selecta, quæcumque cum Propertii verbis, aut sententiis certe congruunt. Quorum ampla et sagax collectio tibi, ut spero, oblectamento pariter et fructui erit. Illic enim oculis occurrent nota sæpius nec non interdum ignota. quorum alterum dulcem animis memoriam acuet, alterum discendi studio amoenam materiem dabit⠀⠀ Quid hrulta?.Ultimum illud est Bibliothecæ nostræ volumen. Exactum est.multorum annorum, multorum tædiorum opus; nec illius piguit patrúum meum, quem tantis laboribus minime imparem et ad ipsius vitæ jacturam in difficillimo consilio constantem novisti. O utinam saltem tanti conditorem monumenti, quum jam perducto ad optatum finem incœpto oblivisci curarum et fama operose nimium empta frui liceret, securo suorum amori non subripuisset improvisa mortis acerbitas! P. A. LEMAIRE. |