GAII INSTITVTIONVM COMMENTARII QVATTVOR EX MEMBRANIS DELETICIS VERONENSIS BIBLIOTHECAE CAPITVLARIS ERVIT 10. FRID. LVD. GOESCHEN ACCEDIT VETERIS IVRISCONSVLTI DE IVRE FISCI FRAGMENTVM EX ALIIS EIVSDEM BIBLIOTHECAE MEMBRANIS CAROLVS LACHMANNVS AD SCHEDAS GOESCHENII HOLLWEGII BLVMII GOESCHENIANA EDITIO TERTIA CVM TABVLIS AERI INCISIS BEROLINI IN AEDIBVS GEORGII ANDREAE REIMERI MDCCCXLII. VIRIS SVMME REVERENDIS IISDEMQVE ILLVSTRISSIMIS ATQVE OMNIBVS HVMANITATIS DOTIBVS CVMVLATIS CAPITVLI ECCLESIAE EPISCOPALIS VERONENSIS PRAESIDI ET SACERDOTIBVS REGIA SCIENTIARVM ACADEMIA BORVSSICA S. P. D. En Vobis Vestrum, Viri Summi, Gajum, quem nostrorum curae et fidei commisistis, reddimus: et talem quidem reddimus, qualem sperabamus Vobis gratissimum fore. Nam cum Dei providentia et majorum merito domini et dispensatores facti sitis supellectilis litterariae cum copia conspicuae tum praestantia paene incomparabilis, Vos tanto thesauro non incubatis, res ad erudiendum genus humanum utilissimas non premitis neque eas orbi litterato quam primum impertiendi laudem cuiquam, modo digno et ad id negotium apto, invidetis: sed illud potius e re Vestra, illam Vestram maximam laudem putatis, si Vestrae tantae opes ho |