The Latin Speaker

Lustra sex qui jam peracta, tempus implens corporis
Se volente, natus ad hoc, passioni deditus.
Agnus in cruce levatur, immolandus stipite.

Hic acetum, fel, arundo, sputa, clavi, lancea,
Mite corpus perforatur, sanguis unda profluit,
Terra, pontus, astra, mundus, quo lavantur flumine.

Crux fidelis inter omnes, arbor una nobilis
Nulla talem silva profert fronde, flore, germine:
Dulce lignum, dulci clavo, dulce pondus sustinens.

Flecte ramos arbor alta, tensa laxa viscerà,
Et rigor lentescat ille quem dedit nativitas
Ut superni membra regis miti tendas stipite.

Sola digna tu fuisti ferre pretium sæculi
Atque portum præparare, nauta mundo naufrago,
Quem sacer cruor perunxit fusus agni corpore.

Gloria et honor Deo usquequo altissimo
Una Patri filioque, inclito Paraclito
Cui laus est et potestas per æterna sæcula!

VI.

HORE PASSIONIS.

Pátris Sápiéntia, Véritas dívina
Déus hómo cáptus est hóra matutína,

A suis discipulis cito derelictus

Judæis est traditus, venditus, afflictus.

Hora prima ductus est Jesus ad Pilatum
Falsis testimoniis multum accusatum
In collum percutiunt manibus ligatum
Vultum Suum conspuunt, Lumen cœli gratum.

"Crucifige," clamitant horâ Tertiarum :
Illusus induitur veste purpurarum,
Caput ejus pungitur corona spinarum.
Crucem portat humeris ad locum pœnarum.

Hora sexta Jesus est cruci conclavatus
Et est cum latronibus pendens deputatus,
Præ tormentis sitiens felle saturatus
Agnus crimen diluit sic ludificatus.

Hora nona Dominus Jesus exspiravit,
"Heli," clamans, animam Patri commendavit;
Latus ejus lancea miles perforavit,

Terra tunc contremuit et sol obscuravit.

De cruce deponitur hora vespertina
Fortitudo latuit in mente divina,
Talem mortem subiit vitæ medicina.
Heu! corona gloriæ jacuit supina.

Hora completorii datur sepulturæ
Corpus Christi nobile, spes vitæ futuræ,
Conditur aromate. Complentur scripturæ
Jesu dignum vivere, hoc sit mihi curæ.

157