Perpetui comites notæque per oppida bucca Munera nunc edunt et, verso pollice vulgi, Quem libet, occidunt populariter: inde reversi Conducunt foricas; et cur non omnia? quum sint Quales ex humili magna ad fastigia rerum Extollit, quoties voluit Fortuna jocari. Quid Romæ faciam? Mentiri nescio: librum, Si malus est, nequeo laudare et poscere: motus Astrorum ignoro: funus promittere patris Nec volo, nec possum: ranarum viscera numquam Inspexi. Ferre ad nuptam quæ mittit adulter, Quæ mandat, norunt* alii: me nemo ministro Fur erit, atque ideo nulli comes exeo, tamquam Mancus et exstinctæ corpus non utile dextræ. Quis nunc diligitur, nisi conscius, et cui fervens Estuat occultis animus semperque tacendis? 50 Nil tibi se debere putat, nil conferet unquam, Participem qui te secreti fecit honesti.
Carus erit Verri, qui Verrem tempore, quo vult, Accusare potest. Tanti tibi non sit opaci Omnis arena Tagi quodque in mare volvituraurum, Ut somno careas ponendaque præmia sumas Tristis et a magno semper timearis amico.
Quæ nunc divitibus gens acceptissima nostris Et quos præcipue fugiam, proberabo fateri, Nec pudor obstabit. Non possum ferre, Quirites,60 Græcam Urbem: quamvis quota portio fæcis Achæi ?
Jam pridem Syrus in Tiberim defluxit Orontes Et linguam et mores et cum tibicine chordas Obliquas, nec non gentilia tympana secum Vexit et ad Circum jussas prostare puellas.
Ite quibus grata est picta lupa barbara mitra! Rusticus ille tuus sumit trechedipna, Quirine, Et ceromatico fert niceteria collo.
Hic alta Sicyone, ast hic Amydone relicta, Hic Andro, ille Samo, hic Trallibus aut Alabandis, Esquilias dictumque petunt a vimine collem, 71 Viscera magnarum domuum dominique futuri. Ingenium velox, audacia perdita, sermo
Promtus et Isæo torrentior. Ede, quid illum Esse putes? quem vis hominem, secum adtulit ad
Grammaticus, rhetor, geometres, pictor, aliptes, Augur, schoenobates, medicus, magus: omnia novit.
Græculus esuriens in cœlum, jusseris, ibit. Ad summam, non Maurus erat neque Sarmata nec Thrax,
Qui sumsit pennas, mediis sed natus Athenis. 80 Horum ego non fugiam conchylia? Me prior ille Signabit? fultusque toro meliore recumbet Advectus Romam, quo pruna et cottana vento? Usque adeo nihil est, quod nostra infantia cœlum Hausit Aventinum* baca nutrita Sabina ? Quid? quod adulandi gens prudentissima laudat Sermonem indocti, faciem deformis amici, Et longum invalidi collum cervicibus æquat Herculis, Antæum procul a tellure tenentis, Miratur vocem angustam, qua deterius nec Ille sonat, quo mordetur gallina marito. Hæc eadem licet et nobis laudare: sed illis Creditur. An melior, quum Thaida sustinet, aut quum
*Aventini. Heinr et Vulg.
Uxorem comodus agit vel Dorida nullo Cultam palliolo? Mulier nempe ipsa videtur, Non persona loqui: vacua et plana omnia dicas Infra ventriculum et tenui distantia rima. Nec tamen Antiochus, nec erit mirabilis illic Aut Stratocles aut cum molli Demetrius Hæmo. Natio comoda est. Rides? meliore* cachinno 100 Concutitur; flet, si lacrumas conspexit amici, Nec dolet: igniculum brumæ si tempore poscas, Accipit endromidem : si dixeris, æstuo, sudat. Non sumus ergo pares: melior, qui semper et omni Nocte dieque potest alienum sumere vultum, A facie jactare manus, laudare paratus,
Si bene ructavit, si rectum minxit amicus, Si trulla inverso crepitum dedit aurea fundo. Præterea sanctum nihil est et ab inguine tutum ; Non matrona laris, non filia virgo, neque ipse 110 Sponsus levis adhuc, non filius ante pudicus. Horum si nihil est, aviam resupinat amici. Scire volunt secreta domus atque inde timeri. Et quoniam cœpit Græcorum mentio, transi Gymnasia atque audi facinus majoris abollæ. Stoicus occidit Baream, delator amicum Discipulumque senex, ripa nutritus in illa, Ad quam Gorgonei delapsa est pinna caballi. Non est Romano cuiquam locus hic, ubi regnat Protogenes aliquis vel Diphilus aut Erimarchust, Qui gentis vitio numquam partitur amicum, 121 Solus habet. Nam quum facilem stillavit in aurem Exiguum de naturæ patriæque veneno, Limine submoveor: perierunt tempora longi
* Rides, majore ca. Heinr et Vulg. + Hermarchus. Rup. et Heinr.
Servitii. Nusquam minor est jactura clientis. Quod porro officium, ne nobis blandiar, aut quod Pauperis hic meritum, si curet nocte togatus Currere, quum Prætor lictorem impellat et ire Præcipitem jubeat, dudum vigilantibus orbis, Ne prior Albinam et Modiam collega salutet? 130 Divitis hic servi claudit latus ingenuorum Filius alter enim, quantum in legione Tribuni Accipiunt, donat Calvinæ vel Catienæ,
Ut semel atque iterum super illam palpitet: at tu, Quum tibi vestiti facies scorti placet, hæres Et dubitas alta Chionem deducere sella.
Da testem Romæ tam sanctum, quam fuit hospes Numinis Idæi: procedat vel Numa, vel qui Servavit trepidam flagranti ex æde Minervam : Protenus ad censum, de moribus ultima fiet 140 Quæstio. Quot pascit servos? quot possidet agri Jugera? quam multa magnaque paropside cœnat? Quantum quisque sua nummorum servat in arca, Tantum habet et fidei. Jures licet et Samothracum Et nostrorum aras contemnere fulmina pauper Creditur atque Deos, Dîs ignoscentibus ipsis. Quid? quod materiam præbet causasque jocorum Omnibus hic idem, si fœda et scissa lacerna, Si toga sordidula est et rupta calceus alter Pelle patet; vel si consuto vulnere crassum Atque recens linum ostendit non una cicatrix. Nil habet infelix paupertas durius in se, Quam quod ridiculos homines facit. Exeat, inquit, Si pudor est, et de pulvino surgat equestri, Cujus res legi non sufficit, et sedeant hic Lenonum pueri quocumque in fornice nati. Hic plaudat nitidi præconis filius inter Pinnirapi cultos juvenes juvenesque lanistæ.
Sic libitum vano, qui nos distinxit, Othoni. Quis gener hic placuit censu minor atque puellæ Sarcinulis impar? quis pauper scribitur heres? 161 Quando in consilio est Ædilibus? Agmine facto Debuerant olim tenues migrasse Quirites.
Haud facile emergunt, quorum virtutibus obstat Res angusta domi; sed Romæ durior illis Conatus: magno hospitium miserabile, magno Servorum ventres et frugi cœnula magno. Fictilibus cœnare pudet, quod turpe negavit Translatus subito ad Marsos mensamque Sabellam Contentusque illic veneto duroque cucullo. 170
Pars magna Italiæ est, si verum admittimus, in qua Nemo togam sumit, nisi mortuus. Ipsa dierum Festorum herboso colitur si quando theatro Majestas tandemque redit ad pulpita notum Exodium, quum personæ pallentis hiatum In gremio matris formidat rusticus infans; Equales habitus illic similesque* videbis Orchestram et populum: clari velamen honoris, Sufficiunt tunica summis Edilibus albæ.
Hic ultra vires habitus nitor: hic aliquid plus 180 Quam satis est interdum aliena sumitur arca. Commune id vitium est: hic vivimus ambitiosa Paupertate omnes. Quid te moror? Omnia Roma Cum pretio. Quid das, ut Cossum aliquando salutes? Ut te respiciat clauso Veiento labello?
Ille metit barbam, crinem hic deponit amati; Plena domus libis venalibus+! Accipe et istud Fermentum tibi habe: præstare tributa clientes * Similemque. Heinr.
+ Genialibus. Heinr et nonnulli editores. Cf. iv 66. x. 334.
« PreviousContinue » |