The other twayen was elle aferd, Ayther from other have scapyd. The pryst toke a by pathe, wyth them he wolde not mett; Y[i]t ys hed was fowle brokyn, the blod ran dowen to ys fett; He ran in a fyrryd gowen, he cast of alle hys clothys, alle his body gan reke. To the bare breke Because he wolde goo lyght. He thought he harde the devylle loushe, He start into a bryer boushe, That al his skyen gan rowsshe Of hys body quyt. The knyth he ran into a wood, as fast as he myght weend; He felle apon a stake, and fowle his lege gan rentt; He thought yt was a longe waye to the pathes end. In at a gape as he glent By the medylle he was hent, Into a tre tope he went In a bokes snarre. The marchaunt ran apon a laund there where growyth no thoren, He felle apon a bollys bake, he causte hym apon hys hornys. "Out! alas!" he sayd, " that ever I was boren, For now I goo to the devylle bycause I dyd hym scoren, Unto the pytt of helle." The bolle ran into a myre, There he layed ower fayer syer, For alle the world he durst not stere, Tylle that he herde a belle. On the morrow he was glad that he was so scapyd; He caught the tre by the tope, Ye and eke the calle trope; He felle and brake hys fore tope Apon the bare growend. Thus they went from the game, begylyd and beglued ; How that he had ronne for her love, hys merthys wer but lewed, He was so sore dred of dethe. "When I shuld have beryd the corse, The devylle cam in, the body rose, To se alle thys my hart grese, "Remember," the lady saythe, "what myschyfe heron goythe; Had I never lover yet that ever dyed good dethe." "Be that lord!" sayd the pryst, "that shope bothe ale and mette! Thow shaltte never be wooed for me, whylyst I have speche or brethe, Whyle I may se or here." Thus they to mad ther bost; Furthe he went wythout the corse. Then com the knyght for hys purpos, And told her of hys fare. "Now I hope to have your love, that I have servyd youre; For bought I never love soo dere syth I was man i-bore." "Hold thy pese!" the lady sayd, "therof speke thou no more, For by the newe bargen my love thou hast for-lore, She answered hym; he went hys way. The marchaunt cam the same day, He told her of hys grett afray, And of hys hyght aventure. "Tylle the corse shulde be beryd, be the bargen I abode; The lady said, "pese, fulle blethe. Neer," she said, "whylle thou art man on lyffe; For I shalle shew yt to they wyff, And alle the contré yt tylle. And proclam ytte in the markyt towene, they care to encrese," Therwyth he gave her xx. marke that she shold hold her pese. Thus the burges of the borrowe, after hys dyses, He endewed into the place wyth dedes of good relese, In fee for ever more. Thus the lady ded fre, She kepythe her vyrgenyté, And indewed the place wyth ffee, And salvyd them of ther soore. MORAL OF THE FABLE OF THE HORSE, THE GOOSE, AND THE SHEEP. COPIES of this moral tale are common in manuscript, and it has been printed by our early printers, Caxton and Wynkyn de Worde. See MS. Lansd. 699; MS. Lamb. 306; MS. Rawl. Oxon. C. 86; MS. Bodl. Laud. 598, Bern. 1475. I have thought it sufficient to give the moral from MS. Harl. 2251, fol. 314-316. THE MORALITÉ OF THE HORS, THE GOOSE, AND THE SHEEPE, TRANSLATED BY DAN JOHNE LIDGATE. Or this fable conteynethe this sentence, At goode leyser dothe the matier see, Profitable to every comunalté, Whiche includithe in many sundry wise, Trappours of golde ordeyned were for stiedis, Rolle up this problem, thynke it dothe expresse, The inward meanes, aforn as it is told, As pronostatike clerks beren witnesse, [flight, Nat highe nor lowe presumen of his myght,✓ For no prerogatif his neyghburghe to dispise. |