111. Septem clepsydras magna tibi voce petenti Arbiter invitus, Caeciliane, dedit.

At tu multa diu dicis, vitreisque tepentem
Ampullis potas semisupinus aquam.
Ut tandem saties vocemque sitimque, rogamus,
Iam de clepsydra, Caeciliane, bibas.

112. Etrusci nisi thermulis lavaris,

Illotus morieris, Oppiane.

Nullae sic tibi blandientur undae,
Nec fontes Aponi rudes puellis,
Non mollis Sinuessa fervidique
Fluctus Passeris, aut superbus Anxur,
Non Phoebi vada principes que Baiae.
Nusquam tam nitidum micat serenum:
Lux ipsa est ibi longior diesque;
Nullo tardius a loco recedit.
Illic Taygeti virent metalla,
Et certant vario decore saxa,
Quae Phryx et Libys altius cecidit;
Siccos pinguis Onyx anhelat aestus,
Et flamma tenui calent Ophitae.
Ritus si placeant tibi Laconum,
Contentus potes arido vapore,
Cruda Virgine Martiave mergi,
Quae tam candida, tam serena lucet,
Ut nullas ibi suspiceris undas,
Et credas vacuam nitere Lygdon.
Non attendis et aure me supina
Iam dudum quasi negligenter audis.
Illotus morieris, Oppiane.

113. Hoc iacet in tumulo raptus puerilibus annis
Pantagathus, domini cura dolorque sui,
Vix tangente vagos ferro resecare capillos
Doctus et hirsutas excoluisse genas.
Sis licet, ut debes, Tellus placata levisque:
Artificis levior non potes esse manu.

114. Lotus nobiscum est, hilaris coenavit, et idem Inventus mane est mortuus Andragoras. Tam subitae mortis causam, Faustine, re

quiris ?

In somnis medicum viderat Hermocratem.

115. Quod semper casiaque cinnamoque Et nido niger alitis superbae

Fragras plumbea Nicerotiana,

Rides nos, Coracine, nil olentes:
Malo quam bene olere nil olere.

116. Rem factam Pompillus habet, Faustine: le

getur,

Et nomen toto sparget in orbe suum:
Sic leve flavorum valeat genus Usipiorum,
Quisquis et Ausonium non amat imperium!
Ingeniosa tamen Pompilli scripta feruntur;

Sed famae non est hoc, mihi crede, satis.
Quam multi tineas pascunt blattasque diserti,
Et redimunt soli carmina docta coci!
Nescio quid plus est, quod donet secula chartis:
Victurus Genium debet habere liber.

117. Laudat, amat, cantat nostros mea Roma libellos, Meque sinus omnis, me manus omnis habet.

Ecce, rubet quidam, pallet, stupet, oscitat, odit:
Hoc volo, nunc nobis carmina nostra pla-

cent.

118. Scis te captari, scis hunc, qui captat, avarum, Et scis, qui captat, quid, Mariane, velit; Tu tamen hunc tabulis heredem, stulte, su

premis

Scribis, et esse tuo vis, furiose, loco. Munera magna quidem misit, sed misit in hamo, Et piscatorem piscis amare potest? Hiccine deflebit vero tua fata dolore?

Si cupis, ut ploret, des, Mariane, nihil.

119. Medio recumbit imus ille qui lecto,
Calvam trifilem semitactus unguento,
Foditque tonsis ora laxa lentiscis,
Mentitur, Esculane: non habet dentes.

120. Quidam me modo, Rufe, diligenter
Inspectum velut emtor aut lanista
Quum vultu digitoque subnotasset,
„Tune es, tune," ait,,, ille Martialis,
Cuius nequitias iocosque novit,

Aurem qui modo non habet Batavam?"
Subrisi modice, levique nutu

Me, quem dixerat, esse non negavi.
,,Cur ergo," inquit,,,habes malas lacernas?"
Respondi: quia sum malus poeta.
Hoc ne saepius accidat poetae,
Mittas, Rufe, mihi bonas lacernas.

121. Caelatus tibi quum sit, Ammiane,
Serpens in patera Myronis arte:
Vaticana bibis, bibis venenum.

122. Quum sexaginta numeret Cascelius anños,
Ingeniosus homo est: quando disertus erit?
123. Nihil est miserius nec gulosius Sanctra.
Rectam vocatus quum cucurrit ad coenam,
Quam tot diebus noctibusque captavit,
Ter poscit apri glandulas, quater lumbum
Et utramque coxam leporis et duos armos;
Nec erubescit peierare de turdo
Et ostreorum rapere lividos cirros;
Buccis placentae sordidam linit mappam;
Illic et uvae collocantur ollares

Et Punicorum pauca grana malorum
Et excavatae pellis indecens vulvae
Et lippa ficus debilisque boletus;

Sed mappa quum iam mille rumpitur furtis,
Rosos tepenti spondylos sinu condit,
Et devorato capite turturem truncum;
Colligere longa turpe nec putat dextra
Analecta, quidquid et canes reliquerunt;
Nec esculenta sufficit gulae praeda;
Mixto lagenam replet ad pedes vino.
Haec per ducentas quum domum tulit scalas,
Seque obserata clausit anxius cella,
Gulosus ille postero die vendit.

124. Tuscae glandis aper populator et ilice multa Iam piger, Aetolae fama secunda ferae,

Quem meus intravit splendenti cuspide Dexter,
Praeda iaces nostris invidiosa focis.
Pinguescant madido tetri nidore Penates,
Flagret et exciso festa culina iugo;
Sed coquus ingentem piperis consumet acer-

vum,

Addet et arcano mixta Falerna garo.

Ad dominum redeas: noster te non capit ignis,
Conturbator aper: vilius esurio.

125. Discursus varios vagumque mane
Et fastus et ave potentiorum

Quum perferre patique iam negaret,
Coepit fingere Caelius podagram.
Quam dum vult nimis approbare veram,
Et sanas linit obligatque plantas,
Inceditque gradu laborioso

Quantum cura potest et ars doloris !
Desit fingere Caelius podagram.

126. Quum mensas habeat fere ducentas,
Pro mensis habet Annius ministros:
Transcurrunt gabatae volantque lances.
Has vobis epulas habete, lauti:

Nos offendimur ambulante coena

127. No ncoenat sine apro noster, Tite, Caecilianus : Bellum convivam Cacilianus habet.

128. Abstulerat totam temerarius institor urbem, Inque suo nullum limine limen erat.

lussisti tenues, Germanice, crescere vicos,