NOCTES ATTICE EX EDITIONE JACOBI GRONOVII CUM NOTIS ET INTERPRETATIONE IN USUM DELPHINI VARIIS LECTIONIBUS NOTIS VARIORUM RECENSU EDITIONUM ET CODICUM ET INDICE LOCUPLETISSIMO ACCURATE RECENSITE. VOLUMEN PRIMUM. F LONDINI: CURANTE ET IMPRIMENTE A. J. VALPY, A. M. 1824. CONSPECTUS EORUM QUE HAC EDITIONE CONTINENTUR. JACOBI GRONOVII Præfatio Christiani Falsteri Libellus Commentarius de Vita et Rebus Auli Gellii Testimonia de Aulo Gellio Auli Gellii in Noctes Atticas Præfatio JACOBI GRONOVII PRÆFATIO AD LECTOREM. NON memini ab ullo industriæ meæ specimine me discessisse lætiorem ad verba tecum de eo facienda, quam cummaxime ab pervigilio, quod his Noctibus iterum impendisse me vides, quo tu, mi Lector, lepidius et venustius easdem deinde vigilare posses. Erat quidem id jamdiu necessarium; sed ab eo aversum me et abhorrentem magis sensi, quam ut vel ab librariorum petitione, vel ex causa mearum, quas sæpe, immo assidue versando alleveram, liturarum converti illuc potuerim. Querebantur quidem illi ab se requiri quotidie Gellios, et nullos exponi venum posse. Nec minus hæ urgebant, ut diu suppressæ tandem venirent in usum et notitiam, aut spem implerent Gellii adjuvandi. Justa in utroque genere non diffitebar, sed ad tædium ibam recordatione casus, quem Patri accidisse nunquam dememinero, ut quem hic labor velut ferale quid apportans obsopivit, et Gellianæ operæ ista merces fuit, ut opprimeret istam manum, priusquam ad calcem veniret; illud videlicet ipsum, quod tot aliis eandem ad provinciam comparatis evenit; et licebat utique metuere exempla. Sed quid multa? Cum sic diu affectus essem, nunc tempus ipsum hanc rem egit. Etsi enim mea ratio mutata non esset, tamen quanta pertinacia quantoque animi studio Delph, et Vur. Clus. A. Gell. Α |