60 nec linguae, quantum sitiat canis Appula, tantum! Vos, o patricius sanguis, quos vivere fas est occipiti caeco, posticae occurrite sannae! Quis populi sermo est? Quis enim? nisi carmina molli nunc demum numero fluere, ut per leve severos 65 effundat iunctura ungues. »Scit tendere versum non secus, ac si oculo rubricam dirigat uno.. Sive opus in mores, in luxum, et prandia regum dicere, res grandes nostro dat Musa poetae.« Ecce modo heroas sensus afferre videmus 70 nugari solitos Graece, nec ponere lucum artifices, nec rus saturum laudare, ubi corbes, et focus, et porci, et fumosa Palilia foeno: unde Remus, sulcoque terens dentalia, Quincti, quum trepida ante boves dictatorem induit uxor, 75 et tua aratra domum lictor tulit. - Euge poeta ! Est nunc, Briseïs quem venosus liber Attî, sunt, quos Pacuviusque et verrucosa moretur Antiopa, aerumnis cor luctificabile fulta. Hos pueris monitus patres infundere lippos 80 quum videas, quaerisne, unde haec sartago loquendı venerit in linguas? unde istud dedecus, in quo Trossulus exsultat tibi per subsellia levis? Nilne pudet, capiti non posse pericula cano pellere, quin tepidum hoc optes audire Decenter? 85 »>Fur es«<, ait Pedio. Pedius quid? rasis librat in antithetis. Doctas posuisse figuras Crimina laudatur. » Bellum hoc!«- mule ceves? Men moveat? quippe et, cantet si naufragus, assem protulerim?-Cantas, quum fracta te in trabe pictum ex humero portes?- Verum, nec nocte paratum plorabit, qui me volet incurvasse querelâ. — -?. 90 95 100 Sed numeris decor est et iunctura addita crudis. Claudere sic versum didicit: Berecynthius Atys, et: qui caeruleum dirimebat Nerea delphin, sic: costam longo subduximus Apennino. Armavirum ! Noune hoc spumosum et cortice pingui, ut ramale vetus vegrandi subere coctum? Quidnam igitur tenerum, et laxa cervice legendum est? Torva Mimalloneis implerunt cornua bombis: et raptum vitulo caput ablatura superbo Bassaris, et lyncem Maenas flexura corymbis Evion ingeminat: reparabilis adsonat Echo. Haec fierent, si testiculi vena ulla paterni viveret in nobis? Summa delumbe saliva hoc natat in labris, et in udo est Maenas et Atys, nec pluteum caedit, nec demorsos sapit ungues. Sed quid opus, teneras mordaci radere vero auriculas? Vide sis, ne maiorum tibi forte limina frigescant. Sonat heic de nare canina litera.-Per me equidem sint omnia protinus alba, 110 nil moror. Euge! omnes etenim bene mirae eritis res. Hoc iuvat. Heic, inquis, veto quisquam faxit oletum! Pinge duos angues: pueri, sacer est locus: extra meiite! Discedo. Secuit Lucilius Urbem, te Lupe, te Mutî, et genuinum fregit in illis. 105 115 120 Heic tamen infodiam: »Vidi, vidi ipse, libelle: auriculas asini Mida rex habet.« Hoc ego opertum, hoc ridere meum, tam nil, nulla tibi vendo Iliade. Audaci quicunque afflate Cratino, iratum Eupolidem praegrandi cum sene palles, 125 adspice et haec, si forte aliquid decoctius audis. Inde vaporata lector mihi ferveat aure: non hic, qui in crepidas Graiorum ludere gestit nec qui abaco numeros et secto in pulvere metas 5 SATIRA SECUNDA. AD PLOTIUM MACRINUM. ARG. De pravis ad deos votis ac superstitione, deque vero deorum cultu. Hunc, Macrine, diem numera meliore lapillo, qui tibi labentes apponit candidus annos. Funde merum Genio. Non tu prece poscis emaci, quae nisi seductis nequeas committere divis. At bona pars procerum tacita libabit acerra. Haud cuivis promptum est, murmurque humilesque susurros tollere de templis, et aperto vivere voto. Mens bona, fama, fides! haec clare, et ut audiat hospes illa sibi introrsum et sub lingua murmurat: O si -- de love quid sentis? Estne ut praeponere cures hunc cuiquam?- Cuinam? Vis Staio? · An scilicet haeres, - quis potior iudex, puerisve quis aptior orbis? - Ecce avia, aut metuens divum matertera, cunis exemit puerum, frontemque atque uda labella infami digito et lustralibus ante salivis expiat, urentes oculos inhibere perita. 10 15 20 25 30 Tunc manibus quatit, et spem macram supplice voto 35 nunc Licini in campos, nunc Crassi mittit in aedes. >> Hunc optent generum rex et regina! puellae hunc rapiant! quidquid calcaverit hic, rosa fiat! << Haec ego nutrici non mando vota: negato, 40 Iupiter, haec illi, quamvis te albata rogarit. Poscis opem nervis corpusque fidele senectae? Esto, age! sed pingues patinae tucetaque crassa annuere his Superos vetuere, lovemque morantur. Rem struere exoptas caeso bove, Mercuriumque 45 accersis fibra: Da fortunare penates! --- da pecus, et gregibus fetum! — Quo, pessime, pacto, tot tibi quum in flammas iunicum omenta liquescant? Attamen hic extis et opimo vincere ferto intendit: Iam crescit ager, iam crescit ovile, 50 iam dabitur: iam iam! donec deceptus et exspes nequidquam fundo suspiret nummus in imo. Si tibi crateras argenti incusaque pingui auro dona feram, sudes, et pectore laevo excutias guttas, laetetur praetrepidum cor: 55 hinc illud subiit, auro sacras quod ovato perducis facies. Nam fratres inter aenos, somnia pituita qui purgatissima mittunt, praecipui sunto, sitque illis aurea barba. Aurum vasa Numae Saturniaque impulit aera, 60 Vestalesque urnas et Tuscum fictile mutat. O curvae in terras animae, et coelestium inanes! quid iuvat hoc, templis nostros immittere mores, et bona dis ex hac scelerata ducere pulpa? Haec sibi corrupto casiam dissolvit olivo: 65 haec Calabrum coxit vitiato murice vellus: haec baccam conchae rasisse, et stringere venas ferventis massae crudo de pulvere iussit. Peccat et haec, peccat: vitio tamen utitur. At vos dicite, pontifices, in sacro quid facit aurum? 70 Nempe hoc, quod Veneri donatae a virgine puppa. — Quin damus id Superis, de magna quod dare lance non possit magni Messalae lippa propago: |