PRAEFATIO. Themistii longe quam ferebatur emendatius edendi copiam Friderici Iacobsii amicitia mihi fecit. Qui quum oratoris huius accuratius pertractandi consilium ante multos annos cepisset, id primum omnium, agendum esse intellexerat, ut praeclari codicis Mediolanensis, inde a Petavii temporibus celebrati, lectionem accurate excerptam sibi compararet, nec difficulter ab: Francisco Bentivolio, collegii Ambrosiani, doctore erucitissimo, impetraverat ut libri illius ad Harduini editionem exigendi laborem sibi imponi pateretur. Sed quum insecutis temporibus alia ex aliis negotia Iacobsium ab instituto opere detinerent, ante hos sex annos, quo tempore Aristidis editionem ego praeparabam, Themistii similiter edendi curam mihi obtulit. Ego autem, qui bene scirem lacobsii multo quam mea studia huic scriptori fore fructuosiora, voluntati viri egregii non prius obtemperandum esse putavi quam planissime intellexissem non posse eum permoveri ut eandem Themistio operam impertiret quam Achilli Tatio, Philostratis et Aeliano tanta cum laude praestitit. Eo igitur in loco quum res sita esset, ne eiusmodi quidem editionem, quae verba scriptoris valde corrupti quantúni praestantissimi codicis ope effici posset emendata exhi |