Page images
PDF
EPUB

Labitur ripa Jove non probante u-
xorius amnis.

Audiet cives acuisse ferrum,
Quo graves Persæ melius perirent,
Audiet pugnas vitio parentum
Rara juventus.

Quem vocet Divum populus ruentis
Imperî rebus prece qua fatigent
Virgines sanctæ minus audientem
Carmina Vestam?

Cui dabit partes scelus expiandi
Jupiter? Tandem venias precamur
Nube candentes humeros amictus
Augur Apollo;

Sive tu mavis, Erycina ridens,
Quam Jocus circum volat et Cupido;
Sive neglectum genus et nepotes
Respicis auctor,

Heu nimis longo satiate ludo,
Quem juvat clamor galeæque leves,
Acer et Mauri" peditis cruentum
Vultus in hostem ;

Sive mutata juvenem figura
Ales in terris imitaris almæ
Filius Maiæ patiens vocari
Cæsaris ultor:

Serus in cœlum redeas diuque
Lætus intersis populo Quirini.
Neve te nostris vitiis iniquum
Ocior aura

Tollat. Hic magnos potius triumphos,
Hic ames dici pater atque princeps,
Neu sinas Medos equitare inultos,
Te duce, Cæsar.

[blocks in formation]
[blocks in formation]

CARMEN III.

AD NAVEM QUA VEHEBATUR VIRGILIUS
ATHENAS PROFICISCENS.

Sic te diva potens Cypri,

Sic fratres Helenæ, lucida sidera, Ventorumque regat pater

Obstrictis aliis præter Iapyga, Navis, quæ tibi creditum

Debes Virgilium, finibus Atticis Reddas incolumem, precor,

Et serves animæ dimidium meæ. Illi robur et æs triplex

Circa pectus erat, qui fragilem truci Commisit pelago ratem

Primus nec timuit præcipitem Africum Decertantem Aquilonibus

Nec tristes Hyadas nec rabiem Noti, Quo non arbiter Hadria

Major, tollere seu ponere vult freta. Quem mortis timuit gradum,

Qui siccis oculis monstra natantia, Qui vidit mare turgidum et

Infames scopulos Acroceraunia?

Nequicquam Deus abscidit

Prudens Oceano dissociabili

Terras, si tamen impiæ

Non tangenda rates transiliunt vada.. Audax omnia perpeti

Gens humana ruit per vetitum nefas. Audax Iapeti genus

Ignem fraude mala gentibus intulit, Post ignem ætheria domo

Subductum macies et nova febrium

Terris incubuit cohors,

Semotique prius tarda necessitas

[blocks in formation]

Leti corripuit gradum.

Expertus vacuum Dedalus aëra
Pennis non homini datis ;

Perrupit Acheronta Herculeus labor.
Nil mortalibus ardui est;

Colum ipsum petimus stultitia, neque
Per nostrum patimur scelus

Iracunda Jovem ponere fulmina.

40

CARMEN IV.-AD L. SESTIUM.

SOLVITUR acris hiems grata vice veris et Favonî,
Trahuntque siccas machinæ carinas.

Ac neque jam stabulis gaudet pecus aut arator igni ;
Nec prata canis albicant pruinis.

Jam Cytherea choros ducit Venus imminente Luna, Junctæque Nymphis Gratiæ decentes

Alterno terram quatiunt pede, dum graves Cyclopum Vulcanus ardens urit officinas.

Nunc decet aut viridi nitidum caput impedire myrto
Aut flore, terræ quem ferunt solutæ.

Nunc et in umbrosis Fauno decet immolare lucis,
Seu poscat agna sive malit hædo.

Pallida Mors æquo pulsat pede pauperum tabernas
Regumque turres. O beate Sesti,

Vitæ summa brevis spem nos vetat inchoare longam.
Jam te premet nox fabulæque Manes

Et domus exilis Plutonia; quo simul mearis,

Nec regna vini sortiere talis,

Nec tenerum Lycidan mirabere, quo calet juventus
Nunc omnis et mox virgines tepebunt.

e agnam... hædum.

10

20

[blocks in formation]

CARMEN V.-AD PYRRHAM.

QUIS multa gracilis te puer in rosa
Perfusus liquidis urget odoribus,
Grato, Pyrrha, sub antro?

Cui flavam religas comam,

Simplex munditiis? Heu quoties fidem
Mutatosque Deos flebit et aspera
Nigris æquora ventis
Emirabitur insolens,

Qui nunc te fruitur credulus aurea;
Qui semper vacuam, semper amabilem
Sperat nescius auræ

Fallacis. Miseri, quibus

Intentata nites! Me tabula sacer
Votiva paries indicat uvida

Suspendisse potenti

Vestimenta maris Deo.

CARMEN VI.-AD AGRIPPAM.

SCRIBERIS Vario fortis et hostium
Victor Mæonii carminis alite,

Quam rem cunque ferox navibus aut equis
Miles te duce gesserit.

Nos, Agrippa, neque hæc dicere, nec gravem
Pelidæ stomachum cedere nescii,

Nec cursus duplicis per mare Ulixei,
Nec sævam Pelopis domum

Conamur, tenues grandia, dum pudor
Imbellisque lyræ Musa potens vetat
Laudes egregii Cæsaris et tuas

Culpa deterere ingenî.

Quis Martem tunica tectum adamantina
Digne scripserit? aut pulvere Troico

faliti

10

Nigrum Merionen? aut ope Palladis
Tydiden Superis parem?

Nos convivia, nos prælia virginum
Sectis in juvenes unguibus acrium
Cantamus vacui sive quid urimur,

Non præter solitum leves.

CARMEN VII.-AD L. MUNATIUM PLANCUM.

LAUDABUNT alii claram Rhodon aut Mytilenen,
Aut Epheson bimarisve Corinthi

20

Monia, vel Baccho Thebas vel Apolline Delphos
Insignes aut Thessala Tempe.

Sunt, quibus unum opus est intactæ Palladis urbem 3
Carmine perpetuo celebrare, et

Undique decerptam fronti præponere olivam.

Plurimus in Junonis honorem

Aptum dicet equis Argos ditesque Mycenas.
Me nec tam patiens Lacedæmon

Nec tam Larissæ percussit campus opimæ,
Quam domus Albuneæ resonantis
præceps Anio ac Tiburni lucus et uda
Mobilibus pomaria rivis.

Et

Albus ut obscuro deterget nubila cœlo
Sæpe Notus neque parturit imbres
Perpetuos, sic tu sapiens finire memento
Tristitiam vitæque labores

Molli, Plance, mero, seu te fulgentia signis

Castra tenent seu densa tenebit

Tiburis umbra tui. Teucer Salamina patremque

Quum fugeret, tamen uda Lyæo

Tempora populea fertur vinxisse corona,

Sic tristes affatus amicos:

"Quo nos cunque feret melior fortuna parente

Ibimus, o socii comitesque!

[blocks in formation]

10

20

« PreviousContinue »