Page images
PDF
EPUB

Horrenda late nomen in ultimas
Extendat oras, qua medius liquor
Secernit Europen ab Afro,

Qua tumidus rigat arva Nilus,
Aurum irrepertum et sic melius situm
Quum terra celat, spernere fortior
Quam cogere humanos in usus
Omne sacrum rapiente dextra.
Quicunque mundo terminus obstitit,
Hunc tanget armis, visere gestiens,
Qua parte debacchentur ignes,
Qua nebulæ pluviique rores.
Sed bellicosis fata Quiritibus
Hac lege dico, ne nimium pii
Rebusque fidentes avitæ

Tecta velint reparare Troja.
Troja renascens alite lugubri
Fortuna tristi clade iterabitur,
Ducente victrices catervas
Conjuge me Jovis et sorore.
Ter si resurgat murus aëneus
Auctore Phoebo, ter pereat meis
Excisus Argivis, ter uxor

Capta virum puerosque ploret. Non hoc jocosæ convenieta lyræ: Quo, Musa, tendis? Desine pervicax Referre sermones Deorum et Magna modis tenuare parvis.

CARMEN IV.-AD CALLIOPEN.

DESCENDE cœlo et dic age tibia
Regina longum Calliope melos,
Seu voce nunc mavis acuta,
Seu fidibus citharaque Phœbi.
hæc j. conveniunt

70

60

50

Auditis, an me ludit amabilis
Insania? Audire et videor pios
Errare per lucos, amœnæ

Quos et aquæ subeunt et auræ.
Me fabulosæ Vulture in Apulo
Altricis extra limen Apuliæ
Ludo fatigatumque somno

Fronde nova puerum palumbes
Texere, mirum quod foret omnibus,
Quicunque celsæ nidum Acherontiæ
Saltusque Bantinos et arvum

Pingue tenent humilis Forenti,
Ut tuto ab atris corpore viperis
Dormirem et ursis, ut premerer sacra
Lauroque collataque myrto,

Non sine Dîs animosus infans.
Vester, Camenæ, vester in arduos
Tollor Sabinos, seu mihi frigidum
Præneste seu Tibur supinum
Seu liquida placuere Baiæ.
Vestris amicum fontibus et choris
Non me Philippis versa acies retro,
Devota non exstinxit arbos,

Nec Sicula Palinurus unda.

Utcunque mecum vos eritis, libens
Insanientem navita Bosporum

Tentabo et urentes arenas

Litoris Assyrii viator.

Visam Britannos hospitibus feros
Et lætum equino sanguine Concanum,
Visam pharetratos Gelonos

Et Scythicum inviolatus amnem.
Vos Cæsarem altum, militia simul
Fessas cohortes addidit' oppidis,

f abdidit reddidit

[blocks in formation]

Finire quærentem labores
Pierio recreatis antro.

Vos lene consilium et datis et dato
Gaudetis, almæ. Scimus, ut impios
Titanas immanemque turmam
Fulmine sustulerit caduco,

Qui terram inertem, qui mare temperat
Ventosum, et urbes regnaque tristia
Divosque mortalesque turbas,
Imperio regit unus æquo.
Magnum illa terrorem intulerat Jovi
Fidens juventus horrida brachiis,
Fratresque tendentes opaco
Pelion imposuisse Olympo.

Sed quid Typhoeus et validus Mimas
Aut quid minaci Porphyrion statu,
Quid Rhoetus evulsisque truncis
Enceladus jaculator audax
Contra sonantem Palladis ægida
Possent ruentes? Hinc avidus stetit
Vulcanus, hinc matrona Juno et
Nunquam humeris positurus arcum,

Qui rore puro Castaliæ lavit
Crines solutos, qui Lyciæ tenet
Dumeta natalemque silvam,
Delius et Patareus Apollo.

Vis consilî expers mole ruit sua;
Vim temperatam Dî quoque provehunt
In majus; idem odere vires

Omne nefas animo moventes.

Testis mearum centimanus Gyas
Sententiarum, notus et integræ
Tentator Orion Dianæ,
Virginea domitus sagitta.

5 Gyges gigas

[blocks in formation]

Injecta monstris Terra dolet suis
Mæretque partus fulmine luridum
Missos ad Orcum; nec peredit
Impositam celer ignis Ætnam,
Incontinentis nec Tityi jecur
Reliquit ales, nequitiæ additus
Custos; amatorem trecentæ
Pirithoum cohibent catenæ.

[blocks in formation]

CARMEN V.-IN LAUDEM CÆSARIS AUGUSTI.

CELO tonantem credidimus Jovem
Regnare: præsens divus habebitur
Augustus adjectis Britannis

Imperio gravibusque Persis.
Milesne Crassi conjuge barbara
Turpis maritus vixit et hostium,
Pro curia inversique mores!

Consenuit socerorum in armis
Sub rege Medo Marsus et Apulus,
Anciliorum et nominis et toge
Oblitus æternæque Vestæ,

Incolumi Jove et urbe Roma?
Hoc caverat mens provida Reguli
Dissentientis conditionibus
Fœdis et exemplo trahentis
Perniciem veniens in ævum,

Si non periret immiserabilis

66

Captiva pubes. Signa ego Punicis
Adfixa delubris et arma

Militibus sine cæde," dixit,

"Derepta vidi, vidi ego civium
Retorta tergo brachia libero

Portasque non clausas et arva
Marte coli populata nostro.

Auro repensus scilicet acrior
Miles redibit. Flagitio additis
Damnum: neque amissos colores
Lana refert medicata fuco,

Nec vera virtus, quum semel excidit,
Curat reponi deterioribus.

Si pugnat extricata densis

Cerva plagis, erit ille fortis,
Qui perfidis se credidit hostibus,
Et Marte Pœnos proteret altero,
Qui lora restrictis lacertis

Sensit iners timuitque mortem.
Hic, unde vitam sumeret, inscius
Pacem duello miscuit. O pudor!
O magna Carthago, probrosis
Altior Italiæ ruinis!"
Fertur pudicæ conjugis osculum
Parvosque natos, ut capitis minor,
Ab se removisse et virilem

Torvus humi posuisse vultum:
Donec labantes consilio patres
Firmaret auctor nunquam alias dato,
Interque mærentes amicos
Egregius properaret exsul.
Atqui sciebat quæ sibi barbarus
Tortor pararet; non aliter tamen
Dimovit obstantes propinquos

Et populum reditus morantem,
Quam si clientum longa negotia
Dijudicata lite relinqueret,

Tendens Venafranos in agros

Aut Lacedæmonium Tarentum.

30

40

50

« PreviousContinue »