INSTITUTIONES IURIS ROMANI PRIVATI, in usum prælectionum academicarum vulgatæ cum introductione AUCTORE L. A. WARNKOENIG, I. U. D. IN UNIVERSITATIBUS BELGICIS NEC NON FRIBURGENSI ET TUBINGENSI Editio quarta, denuo retractata, in omnibus articulis emendatissima et ordine ad Gaii et Iustiniani Institutiones proxime accedente adornata. BONNAE, SUMPTIBUS ADOLPHI MARCI. 1860. veterum fragmenta ex iuris fontibus deprompta apposui, sed etiam ordinem in Gaii et Iustiniani Institutionibus receptum servavi, eumque ea ratione tantum emendavi, qua novissimis iuris romani et accurata iuris artem recte tractandi methodus illud poposcit. In his tamen a iuris romani systematice tractandi ratione in Germania usitata recessi, quoniam, ut iam in tertia INSTITUTIONUM MEARUM editione monui, qui eo modo ius civile digesserunt, non raro illud quasi dilacerasse et genuinam eius formam corrupisse mihi videntur. Movit me illud quoque, quod sæpe expertus sum, iuris discendi studiosos, perceptis alio ordine iuris romani elementis, non sine magno labore ipsas Iustiniani Institutiones posse intelligere. Qui novam hanc libri mci recensionem cum præcedente eius editione comparare voluerit, facile cognoscet, me illum non solum diligentissime correxisse, verum etiam plurima in co innovasse et opinionibus atque sententiis, quæ anno MDXXXIV veræ aut probatæ mihi videbantur, eas substituisse, quæ celeberrimorum Iurisconsultorum nostrorum opera et studio veriores et probatiores nunc debent haberi; qua in re, maxime illustrissimum SAVIGNYUM, et celeberrimum Heidelbergensem Iurisconsultum DE VANGEROW, cuius opere de Pandectis composito omnium iuris civilis controversiarum, præsertim sæculo nostro inter Germaniæ Iurisconsultos agitatarum, dilucidissimæ expositiones et summa laude dignæ solutiones continentur, secutum me esse profiteor. Præter hos auctores sæpissime in notis ad Elementa iuris romani provocavi, quæ eruditissimus in Universitate Bruxellensi iuris romani professor CAROLUS MAYNZ publicare cœpit, quippe quæ et ipsa novissimum scientiæ nostræ statum exhibentia, Gallica oratione composita sint ideoque ab exteris facilius intelligantur, quam libri iuris civilis germanice scripti. Ita, repetita prælectione habita, retractatas et emendatas has meas iuris romani Institutiones iuris professoribus et studiosis denuo trado et eorum benevolentiæ fidenti animo commendo. Scripsi Stuttgardtiæ in regno Württembergico Idibus Octobris anni MDCCCLIX. L. A. WARNKŒENIG. |