Addant avaro divitias mari: XXX. EXEGI monumentum aere perennius Quod non imber edax, non Aquilo impotens Q. HORATII FLACCI CARMINUM LIBER IV. 1. INTERMISSA, Venus, diu Rursus bella moves? Parce, precor, precor. Non sum qualis eram bonae Sub regno Cinarae. Desine, dulcium Mater saeva Cupidinum, Circa lustra decem flectere mollibus Jam durum imperiis: abi Quo blandae juvenum te revocant preces. Tempestivius in domum Paulli purpureis ales oloribus Commissabere Maximi, Si torrere jecur quaeris idoneum : Namque et nobilis et decens Et pro sollicitis non tacitus reis Et centum puer artium Late signa feret militiae tuae, Et quandoque potentior Largi muneribus riserit aemuli Albanos prope te lacus Ponet marmoream sub trabe citrea. Illic plurima naribus Duces thura, lyraeque et Berecyntiae Delectabere tibiae Mixtis carminibus non sine fistula; Illic bis pueri die Numen,cum teneris virginibus tuum Laudantes pede candido In morem Salium ter quatient humum. Me nec femina nec puer Jam nec spes animi credula mutui, Nec certare juvat mero Nec vincire novis tempora floribus. Sed cur heu, Ligurine, cur Manat rara meas lacrima per genas? Cur facunda parum decoro Inter verba cadit lingua silentio ? Nocturnis ego somniis Jam captum teneo, jam volucrem sequor Te per gramina Martii Campi, te per aquas, dure, volubiles. II. PINDARUM quisquis studet aemulari, Nititur pennis vitreo daturus Nomina ponto. Monte decurrens velut amnis imbres Quem super notas aluere ripas, Pindarus ore, Laurea donandus Apollinari, Seu per audaces nova dithyrambos Verba devolvit numerisque fertur Seu deos regesve canit deorum Sive quos Elea domum reducit Palma caelestes pugilemve equumve Munere donat; Flebili sponsae juvenemve raptum Multa Dircaeum levat aura cycnum Grata carpentis thyma per laborem Concines majore poëta plectro Caesarem quandoque trahet feroces Quo nihil majus meliusve terris Fata donavere bonique divi, Nec dabunt quamvis redeant in aurum Tempora priscum. Concines laetosque dies et Urbis Publicum ludum super impetrato Tum meae si quid loquar audiendum Teque dum procedis, io Triumphe! Te decem tauri totidemque vaccae, Fronte curvatos imitatus ignes III. QUEM tu, Melpomene, semel Nascentem placido lumine videris, Illum non labor Isthmius Clarabit pugilem, non equus impiger Curru ducet Achaico Victorem, neque res bellica Deliis Ornatum foliis ducem, Quod regum tumidas contuderit minas, Ostendet Capitolio: Sed quae Tibur aquae fertile praefluunt Et spissae nemorum comae Fingent Aeolio carmine nobilem. Romae principis urbium Dignatur suboles inter amabiles Vatum ponere me choros, Et jam dente minus mordeor invido. O, testudinis aureae Dulcem quae strepitum, Pieri, temperas, O mutis quoque piscibus Donatura cycni, si libeat, sonum, |