Insiluit. Sit jus, liceatque perire poetis.
Invitum qui servat, idem facit occidenti.
Nec semel hoc fecit; nec, si retractus erit, jam
Fiet homo, et ponet famosæ mortis amorem.
470 Nec satis apparet, cur versus factitet: utrum
Minxerit in patrios cineres, an triste bidental
Moverit incestus: certe furit, ac velut ursus,
Objectos caveæ valuit si frangere clathros,
Indoctum doctumque fugat recitator acerbus.
475 Quem vero arripuit, tenet occiditque legendo,
Non missure cutem, nisi plena cruoris, hirudo.

ODARUM

OSTENDENS QUO QUÆQUE ANNO SCRIPTA FUERIT.

Id ostendi satis commode non potest, quin exponatur breviter ea pars romanæ historiæ, in quam Horatii vita incidit. Nihil ferme scripsit ante annum ætatis 21, qui fuit urbis conditæ 710, Octavii Cæsaris 19. Ab eo igitur anno ducimus initium.

Anno urbis conditæ DCCX, Horatii 21. Cæsar interfectus est in senatu a conjuratis. Eodem anno Tiberis exundans partem urbis evertit; icta fulminibus crebris templa; et alia id genus prodigia contigere, quæ describit Horatius od. 2 libri primi, Jam satis, etc.

Anno urbis conditæ DCCXIV, Horatii 25. Reversus Romam Octavius quum ab Antonio dissideret, pax inter utrumque componitur Brundusii per communes amicos, eo Roma profectos. Eorum unus Mæcenas fuit, quem Horatius est comitatus, ut narrat satira 5, lib. 1. Per idem tempus Pacorus, Orodis, Parthorum regis, filius, magnas clades Romanis intulit in Syria. De illo meminit od. 6, lib. II.

Anno urbis conditæ DCCXVI, Horatii 27. Bellum in Sicilia gestum est, magno apparatu, inter Sex. Pompeium et Octavium. Ad hoc non leve momentum attulit Menas, sive Menodorus, Pompeii libertus ditissimus et audacissimus, qui cum parte classis defecit ad Cæsarem: idem tamen, sequenti anno, rediit ad Pompeium ac paucis post mensibus iterum Cæsari se adjunxit. In eum est ode 4 libri epodon, Lupis et agnis, etc., circa hoc tempus scripta. Quo eodem tempore scriptam apparet oden 7 ejusdem libri, Quo, quo scelesti ruitis, etc., in qua bellum civile detestatur.

Anno urbis conditæ DCCXVIII, Horatii 29. Victus ab Octavio consiliis et fortitudine Agrippæ, in freto Siculo, Sex. Pompeius, ad Antonium fugit, a quo post paulo interfectus est. Marcus Antonius a Parthis varie est victus : Parthorum rex Phraates erat, cujus mentionem facit od. 2, lib. I. Ad hoc tempus pertinet od. 5, lib. 11. O sæpe mecum, etc. Item 5 libri qua laudat Agrippam, Scriberis Vario, etc.

Anno urbis conditæ DCCXXII, Horatii 33. Antonius, Octavia repudiata, Cæsaris sorore, bellum indicit Cæsari, qui confestim in Epirum cum expedita classe advolat. Referri ad hunc annum possunt ode 1 libri Epodon, Ibis Liburnis, etc., et Altera jam, etc.

Anno urbis conditæ DCCXXIII, Horatii 34. Commisso navali

INDEX CHRONOLOGICUS ODARUM.

347

prælio ad Actium in sinu Ambracio, fugientem cum suis navibus Cleopatram secutus Antonius victoriam Cæsari facilem concessit. Hanc victoriam celebrat vates, ode penultima libri 1,. Nunc est bibendum, etc., et 8 libri epodon, Quando repostum, etc.

Anno urbis conditæ DCCXXVI, Horatii 37. Octavius, exstinctis anno 724 Antonio et Cleopatra, redacto in ordinem Lepido, clauso Jano, triplici triumpho et aliis honoribus affectus, templum hoc anno Apollini, cujus præsidio tot res præclare gestas in primis tribuebat, in Palatio dedicavit; addiditque insignem in vicina porticu bibliothecam. De hoc templo meminit Horatius, ode 25 libri primi, Quid dedicatum, etc.

Anno urbis conditæ DCCXXVII, Horatii 38. Octavius Cæsar, quum nomen Augusti a senatu delatum accepisset, venit in Gallias cum exercitu, transiturus inde in Britanniam, ut eam armis perdomaret: sed Britanni, missis ad eum legatis in Galliam, pacem oraverunt. Ad hunc annum pertinet ode 28, lib. 1, 0 diva gratum, etc.

:

Anno urbis conditæ DCCXXVIII, Horatii 39. Augustus in Hispaniam venit, ubi Cantabri et Astures rebellabant. Victi hostes, hoc et sequenti anno, terra marique sed Augustus ex nimio labore morbum contraxit, anno 729, Romamque subinde repeteus, bellum C. Antistio et Carisio absolvendum reliquit. His annis scriptæ sunt od. 4, lib. 11, Septimi Gades, etc., et 8 ejusdem libri, Quid bellicosus Cantaber, etc. Item 10 libri II, Herculis ritu, etc. Nec non 7 ejusdem libri, Martiis cælebs, etc

Anno urbis conditæ DCCXXX, Horatii 41. Ælius Largus ab Augusto missus in Arabiam, exercitum eo duxit. Circa hoc tempus fuit scripta ode 23 libri г. Icci beatis, etc.

Anno urbis conditæ DCCXXXI, Horatii 42. Tiridates, ante annos septem rex creatus a Parthis (pulso ab illis in exsilium Phraate ipsorum legitimo rege, ob ejus sævitiam), Romam venit, suppetias ab Augusto petiturus contra eumdem Phraatem, qui restitutus in regnum a Scythis fuerat. De Parthis, et eorum domesticis seditionibus, Horatius sæpe meminit, ut ode 20 libri 1, Musis amicus, etc., et 2 lib. 11, Nullus argento, etc., et aliis passim. Eodem anno Augustus sibi substituit L. Sestium consulem, ad quem scribitur ode 4 libri 1, Solvitur acris hiems, etc.

Anno urbis conditæ DCCXXII, Horatii 43. Fannius Cæpio et Licinius Muræna, quum in Augustum conspirassent, supplicio affecti sunt. Murena frater erat Proculeius; de quo agit libri ode 2. Ad eumdem Licinium scriptam esse oden ejusdem libri 7, Rectius vives, Licini, etc., quidam volunt.

Anno urbis conditæ DCCXXXIII, Horatii 44. Consul creatus est cum Q. Æmilio Lepido M. Lollius: quem Horatius laudat ode 8 libri iv, Ne forte credas, etc.

Anno urbis conditæ DCCXXXIV, Horatii 45. Phraates, rex Parthorum, ab Augusto pacem rogavit, et illi romana signa, cum