EXTRACTA

EX SYNOPSI MONUMENTORUM EXIMII Dai J.-F. VANDE VELDE,

TOME III, P. 807.

JOANNES DE VISSCHERE, SEU VISSCHERIUS.

6 Februarii 1611. 26 Maii 1615, æt. 52.

Joannes de Visschere, Bergis S. Winoci patre natus est Ballivo Anglo-Monasteriensi, qui 4 Octobris 1578 in funesta illa rerum conversione ac perturbatione, Gandavi extra Petricella portam, una cum Jacobo Hesselio, ex arbore fuit suspensus. (Gendtsche geschiedenissen, tom. II, pag. 57.) Duaci S. Theologiæ Licentiæ gradum obtinuit, factus dein Pastor Dixmudæ, ac Districtus Archipresbyter. Hunc nihil tale expectantem Archiduces ad supremum Sacerdotium Ipris nominarunt.

Inauguratus 6 Februarii 1611, ac è visitationibus suæ Dioecesis, quas sedulo instituebat, reversus; (munere suo tribus fere annis gnaviter defunctus) obiit 26 Maii 1618. Iprensi et Regio Duaceno Seminariis omnium adventitiorum suorum bonorum scriptis legatariis. Sepultus fuit in choro Cathedralis Ecclesiæ.

ANTONIUS DE HAYNIN, VALENCENAS.

14 Aprilis 1614. 1 Decembris 1626, æt. 71.

Oriundus anno 1555, ex nobili ac antiqua Haininianorum familia, in Academia Duacena S. Theologiæ Licentia donatus, à Petro Simonis Episcopo constituitur Ecclesiæ D. Nicolai in urbe Iprensi Parochus, simulque ecclesia Cathedralis Canonicus.

Anno 1606, Duaci Theologorum Seminarium è bonis Patrimonialibus erexit, quod ab ipso Hayninianum; ac dein eodem Ipris Episcopo facto, edificiis ac redditibus auctum, Iprense nuncupatum fuit. Primum Collegii hujus præsidem designavit Georgium Colvenerium, in Gemp vico, secundo à Lovanio lapide, natum, sed Alosti educatum; de quo vide Bibliotheca Belgica VALERII ANDREÆ. Antiquitatis ecclesiasticæ diligens inquisitor, rogatu Francisci van der Burch, ex Gandensi Episcopo Archiepiscopi Cameracensis, plurium ecclesiarum Officia propria Sanctorum, ad normam Breviarii Romani, Georgius composuit.

Anno 1614, die 14 Aprilis, consecratus Iprensis Episcopus, Congregationibus Episcoporum Provinciæ, anni 1617, et anni 1628, interfuit. Anno 1624, invenit et è terra levavit in veteri Dunensi Monasterio, Cisterciensis Ordinis, Brugas translato, corpus B. IDESBALDI, tertii ejusdem loci Abbatis, qui anno 1167, in Domino obiit. Vid. ARNOLDI RAISII, ad natales SS. Belgii Jo. Molani auctarium, ad diem 21 Aprilis pag. 65, ubi Episcopi nostri de hac corporis inventione inseruntur litera. Vivere desiit ANTONIUS 1 Decembris 1626, sepultus in choro Cathedralis suæ, sub splendido Mausolæo.

GEORGIUS CHAMBERLAIN, GANDENSIS.

5 Novembris 1628. 19 Decembris 1634, æt. 59.

Natus Gandavi patre nobili Anglo; scientiis variis excultus et juris Canonici Licentiatus, Octavio Frangipani, ad Belgas Nuncio Apostolico, à secretis fuit. Inde à Clemente VIII. Gandensis ecclesiæ, anno 1602, Canonicus liberæ præbendæ, et anno 1610, Graduatus et Archipresbyter; demum anno 1614, Archidiaconus, ac 1617, Decanus ejusdem Ecclesiae fuit constitutus. Per hos dignitatum gradus, nominatione Principis Isabellæ, anno 1627, ad Iprensem Sedem elevatur.

Eodem anno Congregationi Episcoporum, mense Septembri, Gandavi coactæ, interfuit, nondum consecratus; uti et alteri Antverpiæ mense Septembri 1628, habitæ: die demum 5 Novembris sequenti in Ecclesia sua Iprensi inauguratus. Mox, nimirum 14 die ejusdem mensis, ad Archiepiscopum Jacobum Boonen Instructiones pro Concionatoribus mittit, à se compositas; nec non Formulare concedendum Rectoribus Societatis Jesu; juncta Formula Cardinalis S. Eusebii, Ferdinandi Taberna, Episcopi Novariensis; quam forte Georgius noster, in Italia, ubi studiis operam dedit, sibi comparaverat. Meretur hæc Formula luce donari.

Anno 1628, 2 et 3 Octobris Synodum habuit Diocesanam, reimpressam Antverpiæ 1678, in-8°. Adjunctæ sunt Instructiones pro Confessariis et concionatoribus, ab omnibus

per Diœcesim observandæ. Anno 1680, adfuit Congregationi Episcoporum, Brugis mense Junio; atque alteri Bruxellis mense Augusto ejusdem anni coactis.

Anno 1630, edidit statuta, quæ in Congregatione Decanorum Ipris mense Octobri (peracta primo totius Episcopatus sui visitatione) condiderat, Antverpiæ 1678, etiam impressa. Subjicitur professio fidei lingua Belgica, secundum formam Pii IV, papæ; (de qua ait,« nulli in hac Diocesi permittitur scholam aperire, nisi facta prius (hac fidei professione) item Catalogus librorum, juventuti in scholis prælegendorum. Postquam interfuisset capitulis Pastorum seu Congregationibus, quas Decani in suis districtibus celebraverant; evulgavit iterum statuta, in ipsorum Decanorum Congregatione, mensis Octobris anni 1631, Ipris publicata. Anno 1633, 24 Novembris Ordinationem flandrice edidit, super observatione Festorum, quæ extat pariter in Collectione 1673, Antverpiæ excusa.

Postquam toto sexennio Diœcesim suam summa cum prudentia gubernaverat, 19 Decembris 1684, paralysi obrutus, pie obiit, sepultus in medio Odæi Ecclesiæ suæ. Sidronius Hosschius, in Diœcesi Iprensi natus, excellens è Societate Jesu poeta, ac Ovidio comparandus, libro III elegiarum suarum, Georgii nostri virtutes, animique dotes versu elegiaco celebravit.

CORNELIUS JANSENIUS, LEERDAMENSIS.

28 Octobris 1636.6 Maii 1638, æt. 57.

Cornelius Janssens seu Jansenius, in Acoy, agri Leerdamensis, 28 Octobris 1588 natus fuit. Dans operam Ultrajecti humanioribus literis, Lovanii verò philosophicis disciplinis, utrobique cæteros longo post se reliquit intervallo; anno 1604, in Pædagogiorum concursu, ingenii palmam sociis præripiens. Pari felicitate palestræ Theologica nomen dedit. Cum ex pertinaci studio tabis periculum esset; ut alio aëre frueretur, visendæ Galliæ cupido incessit, cum valetudinis, tum etiam ingenii ampliùs excolendi causa. In eo regno per annos plures versatus, eruditorum amicitiam sibi conciliavit; usus in primis consuetudine abbatis San-Cyrani, Joannis Duverger de Haurane, quæ illi funesta fuit.

Lovanium reversus, collegii divæ Pulcheriæ, pecuniis ex fundatione Coloniensi atque aliunde sibi transmissis, [cura Philippi Rovenii, apud Batavos Vicarii Apostolici] anno 1617, veluti Fundator extitit, ejusque primus Præses 26 Februarii anno 1617 constitutus. Eodem anno 28 Octobris, Magisterii titulo in S. Theologia insignitur, ac sequenti Professor ordinarius in eadem Facultate renunciatur: anno 1624 Academiæ nomine Legatus in Hispanias missus (translata collegii præfectura in Henricum Paridanum) legationem hanc, uti et aliam anni 1626, optato successu administravit. Adservatæ

olim fuerunt Litteræ ejus originales quamplures, ea de re Lovanium ab eo missæ, quas nos ipsi quondam inspeximus.

Anno 1680, Regiis auspiciis ad sacrarum Litterarum professionem promotus fuit: quas etiam egregie illustravit; editis in Pentateuchum, Proverbia et Ecclesiasten, nec non in quatuor Evangelia, doctissimis commentariis. Vulgavit alia insuper opera, quorum nullum celebrius et una ex eventu infelicius extitit, spisso illo volumine, cui titulus, Augustinus datus fuit; veluti ex magni Augustini operibus (ab Jansenio multum lectis, sed ut Steyaertius observat, parum feliciter intellectis) sancti Patris doctrina fideliter in eo opere collecta atque exhibita fuisset. Consulat Lector quæ pag. 318-326, à nobis tradita fuerunt.

Anno 1635, mense Augusto, Rector eligitur Universitatis; eodemque anno ad cathedram Iprensem nominatur 28 Octobris; ac vertente anno, eodem die Bruxellis ab Archiepiscopo Jacobo Boonen, serenissimo principe Cardinali Ferdinando Austriaco, Belgii gubernatore præsente, in Episcopum consecratur. Mox cathedræ Iprensis possessionem adeptus, brevi temporis intervallo, quo suos rexit, implevit tempora multa; à vitæ modestiâ, ac conservanda disciplinæ studio commendatus. Possidemus resolutiones S. Facultatis theologiæ Lovaniensis, occasione nominationis Jansenii ad Episcopatum, nec non litteras testimoniales eidem datas. Demum «< dignissimus vita longiori Præsul, summa >> cum omnium consternatione ac mærore, peste extinguitur, anno 1638 pridie nonas » Maii. » Ita Valerius Andreas in Bibliotheca Belgica, qui, uti et Antonius Sanderus, Ipris tunc temporis Canonicus et Scholasticus, Cornelii amici sui, merita, ac dotes summis laudibus extulerunt: quos vide.

JUDOCUS BOUCKAERT, ISEGHEMIUS.

2 Novembris 1641.1 Novembris 1646, æt. 63.

Judocus, Cortraci grammaticam, Lovanii Artes ac Theologiam edoctus, Licentia gradu in sacra scientia decoratur. Congregationi Oratorii S. Philippi Nerii adscriptus, Pastor fuit, per annos triginta duos, in Monte-acuto; Archipresbyter districtus Diesthensis, ac per annos octodecim Oratorii Præpositus.

Propter egregia merita, negotiis etiam magni momenti feliciter gestis, ad Episcopatum Iprensem evectus fuit. Possessionem suæ sedis adiit 2 Novembris 1641; ac 19 Januarii 1642, Ipris consecratur. Post indefessos toto quinquennio Pastoralis sollicitudinis labores, 1 Novembris 1646, ex hac vita migravit; sepultus in choro suæ Cathedralis, sub lapide marmoreo cum epitaphio.

Vacavit Sedes annis octo, per duas ad id designatas personas occupanda; sed quas aut mors aut bellum prævenit. Hi fuerunt Ludovicus de Croy, anno 1647, ad Episcopatum

Iprensem nominatus; qui ante acceptas confirmationis Bullas, morte præripitur. Post quem anno 1648 nominatur Ambrosius Capello; sed urbe Episcopali à Gallis occupata, hæc nominatio effectu caruit.

FRANCISCUS JOAN. DE ROBLES, INSULENSIS.

11 Octobris 1654. -18 Maii 1659, æt. 65.

Franciscus Jo. de Robles, ex comitibus de Annapes, nascitur anno 1595. Coadjutor ab anno 1624, Caij Antonii Hopperi [filii Joachimi, Philippo II, à consiliis status Belgici, de quo pag. 28 et 81: insignis ecclesiæ D. Petri Lovanii Præpositi; eoque titulo Academiæ Cancellarii] Franciscus huic anno 1634 in utraque hac dignitate succedit. Idem regio Nosocomio, vulgò het spaens-Gasthuys, nunc het Arzenael, Mechliniæ à Philippo II, erecto; sacrique Oratorii Bruxellis præfectus; Gubernatori, Archiduci Leopoldo Guillielmo, major fuit eleemosynarius, tum anno 1632 ad infulas Iprenses nominatus, 11 Octobris 1654 Bruxellis in sacello aulæ Regiæ consecratur.

Episcopalem Sedem per quinque annos, tempore, ut plurimum turbido, tenuit. Nam præter mala, quæ Castellania Iprensis patiebatur, ob bellum adversus Hispanos ab anno 1638 à Gallis concitatum, ipsa etiam Episcopalis civitas anno 1653 quatriduana obsidione ab hoste intercepta fuit. Itaque nec viro pacifico datum, ut quod spe gustavit publicæ pacis bonum, eo frueretur. Catharro abreptus, die 18 Maii 1659, Insulis vita fungitur; Ipris necdùm Domino suo restitutis. Sepultus fuit in choro suæ ecclesiæ Cathedralis, sub lapide marmoreo cum epitaphio

Vacavit Sedes annis quinque, Jacobus de la Torre, Archiepiscopus Ephesinus (qui consecrationi Episcopi nostri adstiterat assistens, per Belgium fœderatum Vicarius Apostolicus) dicitur ad Episcopatum Iprensem nominatus fuisse. Vid. Batavia Sacra, pag. 461.

MARTINUS PRATS, BRUXELLENSIS.

2 Februarii 1665. 7 Octobris 1671, æt. 68.

Nascitur anno 1608, ex illustri familia, de qua vid. A. SANDERI, Flandria, tom. II, pag. 814. J. V. Licentiatus, fit anno 1626, Canonicus Ecclesiæ cathedralis Atrebatensis; tum Consiliarius, nomine Regis Philippi IV et Isabella Gubernatricis, residens in curia Romana, pro negotiis Belgicis; dein anno 1642, Præpositus Ecclesiæ S. Piati Secliniensis; demum anno 1647, Decanus Ecclesiæ SS. Michaelis et Gudula Bruxellis;