Ex occasione tantæ caritatis, tanti belli, tantæ famis ac epydimiæ omnes agricolæ dispersi, jacebant agri inculti, sylvestres, quos potiùs lupi, apri, aliæque feræ inhabitabant quàm homines. Eodem anno reparata ecclesia S. Richarii et circà initium maii à Rmo Petro Symons, episcopo Iprensi, reconciliata.

ACTA ANNO DOMINI 1589.

In maio moritur D. J. Snick, ultimus præpositus et primus decanus ecclesiæ cathedralis S. Martini. Ejus dictum erat: Peynst op den latsten snik. Et: Sine querela: ut habetur in ejus epitaphio antè dextrum stallum, cum insignibus suis et pedo: Sepultura D. Joannis Snick, postremi præpositi hujus ecclesiæ, in cathedralem erectæ anno 1561 et ejusdem primi decani, qui obiit anno 1589, 16 maii. Orate pro eo.

ACTA ANNO DOMINI 1590.

R. D. Antonius Vlamynk, ex officiali et archidiacono factus Decanus secundus ecclesiæ cathedralis Iprensis è vitâ migravit 8 martii et D. Carolus Van Houcke subit locum ejus ad munia officialis.

ACTA ANNO DOMINI 1591.

Ostendani Dominum Prælatum et tres religiosos monasterii Wastenensis captivos abducunt Ostendam, monasterio spoliato, ubi per biennium fuêre detenti et iidem maligni, 8' junii, depopulatis domibus, unum parochum, nomine Petrum Couvreu, abscissis auribus, naso, et digitis, multis plagis impositis, crudelissimè interemerunt. Ita annotavit D. Petrus Vande Velde, prior quondam dicta abbatiæ.

ACTA ANNO DOMINI 1593.

Hoc anno restaurari cœpit conventus Iprensis Augustinianorum ac intrà urbis mœnia deduci, qui ab hæreticis solo æquatus fuerat, ad urbis fossam antè collocatus, in quo opere extremam ac præcipuam manum apposuit P. Nicolaus Silvius, omnibus incolis atque accolis gratissimus. Sed paulò post, nescio quâ clade, in cineres est redactus, iterumque Dei benignitate reparari cæpit.

ACTA ANNO DOMINI 1596.

Non minus Batavi ex Oostendâ per totam West-Flandriam depopulantes nocumenta gravia inferebant accolis quam Hulsta Oost-Flandris. Nam non pauci sanè geuseorum milites sub hæc tempora ex eo oppido audacià immani erumpentes nonnullos occidebant, plures et eos ditiores sub lytro captivos in oppidum ducebant et inter hos unum è nostris canonicis Eversamensibus cum fratre suo, Christiano nomine, abduxerunt et pastorem de Stuvekenskerke, quòd cis transitum negaret et eorum manibus elapsus aufugeret, posteà captum, barbarum et miserandum in modum peremerunt. Ei tamen semivivo relicto, bonus vir, J. De Boom, sacerdos Furnensis canonicus, sacramenta administravit. Indè factum quòd princeps Albertus jusserit contrà excursiones geuseorum fieri 17 vel 18 munitiones circùm Ostendam. Verùm quod præsidia horum locorum majores efficerent sumptus quàm damna hostium, vel tributa, iterùm Flandri orantes, obtulêre multa nummorum millia ad ejus obsidionem; obtulêre nimirum 12 millia florenorum. Quam tandem aggressus est Princeps anno 1601.

ACTA ANNO DOMINI 1597.

Obiit Ipris D. Canonicus Berghemius, doctor utriusque juris. Jacet

retrò summum altare in S. Martini sub sarcophago cum hoc epitaphio:

Et memoriæ Hieronymi Berghemii, Aquensis, U. J. Doctor, Canonicus hujus ecclesiæ Iprensis, pietate, eruditione præstantissimus, qui perlustratis præcipuis Europe academiis, hic demùm placidè in Domino quievit, ipsis kal. Aprilis anno Domini 1597.

ACTA ANNO DOMINI 1599.

Rmu Episcopus Iprensis in Martio edidit quædam statuta et bonos usus contrà abusus mechanicorum hominum et agricolarum.

D. W. Monsius, vir doctus, ut videtur, hoc anno obiit. Sic invenitur in ambitu S. Martini: Ad Dei Opt. Max et Beatiss. Dei genitricis Virg. Mariæ honorem hanc imaginem Dnus Walterus Monsius, hujus ecclesiæ Can. et Jubilarius posuit. 1599.

ACTA ANNO DOMINI 1603.

Die 3 maii fuêre principes nostri Furnis et cohonestârunt sacram annuamque Crucis processionem cum pluribus nobilibus et aulicis. Rmu noster Episcopus missæ sacrificium in S. Walburga de more solemni celebrabat. Aderant abbates et præpositi S. Nicolai, Loënsis

et Eversamensis D. Jacobus Vanderbeke, cum capellano suo D. Joanne Van Welsenes. Illùc quoque inter alios advenerat Rm D. denominatus ecclesiæ brugensis episcopus recens consecratus, gratias suæ celsitudini habiturus, D. Philippus De Rodoan, cui princeps latinâ linguâ respondit: Vide fungaris officio tuo. Erant hospitati in domo civicâ.

ACTA ANNO DOMINI 1604.

Episcopus Iprensis solemnem in urbe Iprâ secundam instituit visitationem monasteriorum et paulò post, Deo propitio, primum lapidem fundamentalem monasterii de Nonnebossche solemniter benedixit ac 5 octobris collocavit, venerabili Domino archidiacono Carolo Van Houcke, structuræ negotium multùm promovente.

ACTA ANNO DOMINI 1605.

R"

mus

D. Episcopus Iprensis novum, mense Aprili, edebat Manuale pastorum, adjunctione orationum, exorcismorum aliarumque instructionum adauctum.

Hoc anno jacta primùm fundamenta collegii patrum societatis Jesu. Proscabino D. Roberto Hellin, secundo Ludovico De Blasere: alterius verò magistratus Proscabino Joanne De Vos equite, secundo Artus de Gistelles D. De Rymersch.

Rmu episcopus Iprensis in morbum incidit. Quem invisens P. Joannes