Davyd Rea. I am David, of Jesse rote, The fresche kyng by naturalle successyon, And of my blood xal sprynge oure bote, As God hymself hath mad promyssyon; Of regalle lyff xal come suche foyson, That a clene mayde modyr xal be, Ageyns the devellys falsillusyon, With regalle power to make man fre. Jeremias propheta. I am the prophete Jeremye, And fulliche acorde in alle sentence With kyng David and with Ysaie, Affermynge pleynly beforn this audyens, That God of his highe benyvolens, Of prest and kynge wylle take lynage, And bye us alle from oure offens, In hevyn to have his herytage. Salamon Rear. I am Salamon the secunde kynge, And that wurthy temple for sothe made I, Whiche that is fygure of that mayde 3ynge, That xal be modyr of grett Messy. Ezechiel propheta. A vysion of this, ful veryly, I E3echiel have had also, Of a gate that sperd was trewly, And no man but a prince myght theringo. Roboas Rea. The iij.” kynge of the jentylle Jesse, My name is knowe, kyng Roboas, Of oure kynrede 3itt men xul se A clene mayde trede downe foule Sathanas. Micheas propheta. And I am a prophete calde Mycheas, I telle jou pleynly that thus it is,

Evyn lyke as Eve modyr of wo wa,T)
Soxal a maydyn be modyr off byss.
Abias Rear.
I, that am calde kynge Abias,
Conferme for trewe that 3e han seyd;
And sey also as in this cas,
That alle oure myrthe comyth of a mayd.
Danyel propheta.
I prophete Danyel am welle apayed,
In fygure of this I saw a tre;
Alle the fendys of helle xalle ben affrayd,
Whan maydenys frute theron theise.
- Asa Rear.
I, kynge Asa, beleve alle this,
That God wylle of a maydyn be borne,
And, us to bryngyn to endles blys,
Ruly on rode be rent and torn.
Jonas propheta.
I, Jonas, sey that on the iij.* morn
ffro dethe he xal ryse, this is a trewe talle,
Fyguryd in me, the whiche longe beforn
Lay iij. days beryed within the qualle.
Josophat reas.
And I, Josophat, the vi.” kynge serteyne,
Of Jesse rote in the lenyalle successyon,
Alle that my progenitouris hath beformeseyn,
ffeythfully beleve withowtyn alle dubytacion.
Abdias propheta.
I, Abdias prophete, make this protestacion,
That aftyr he is resyn to lyve onys agen,
Dethe xal be drevyn to endles dampnacion,
And lyff xal be grawntyd of paradysful pleyn.
Joras Rear.
And I, Joras, also in the numbre of sefne,

Of Jesse rote kynge, knowlyche that he

Aftyr his resurreccion returne xal to hefne,
Bothe God and verry man ther endles to be.
Abacuche propheta.
I, Abacuche prophete, holde wele with the,
Whan he is resyn he xal up stye,
In hevyn as juge sitt in his se,
Us for to deme whan we xal dye.
Ozias Rear.
And I, Ozyas, kynge of hygh degré,
Spronge of Jesse rote, dare welle sey this,
Whan he is gon to his dygnyté,
He xal send the sprytt to his discyplis.
Joelle propheta.
And I, Joel, knowe fulle trewe that is,
God bad me wryte in prophesye,
He wolde sende downe his sprytt i-wys,
On 3onge and olde ful sekyrlye.
Joathas rear.
My name is knowe, kyng Joathan,
The ix." kynge spronge of Jesse,
Of my kynrede God wol be man,
Mankend to save, and that joyth me.
Aggeus propheta.
With 30w I do holde that am prophete Aggee,
Com of the same hygh and holy stok,
God of oure kynrede in dede born wyl be,
from the wulf to save al shepeof his flok.
Achas rear.
Off Jesse kyng Achas is my name,
That falsly wurchepyd ydolatrye,

Tyl Ysaie putt me in blame,
And seyd a mayd xulde bere Messye.

zyas propheta. Off that byrthe wyttnes bere I, | A prophete Osyas men me calle,

And aftyr that tale of Isaye,
That mayd xal bere Emanuelle.
Ezechias rear.
My name is knowyn, kyng E3echias,
The xj.” kyng of this geneologye,
And say forsothe, as in this cas,
A mayde be mekenes xal brynge mercye.
Sophosas propheta.
I a prophete callyd Sophonye,
Of this matyr do bere wyttnes,
And for trowth to sertyfie,
That maydens byrthe oure welthe xal dresse.
Manasses rear.
Of this nobylle and wurthy generacion,
The xij, kyng am I Manasses,
Wyttnessynge here, be trew testyficacion,
That maydenys childe xal be prince of pes.
Baruk propheta.
And I, Baruk prophete, conferme wurdys thes,
Lord and prince of pes, thow that chylde be,
Al his fomen ageyn hym that pres,
Ryght a grym syre at domysday Xal he be.
Amon rea'.
Amon kynge, for the last conclusyon,
Althynge befornseyd for trowthe do testyfie,
Praynge that lord of oure synne remyssyon,
At that dredful day he us graunt mercye.

Thus we alle of this genealogye,
Accordynge in on here in this place,
Pray that hey3 lorde whan that we xal dye,
Of his gret goodnesse to grawnt us his grace
Eaplicit Jesse.

VIII. THE BARRENNESS OF ANNA.

Contemplacio. Cryst conserve this congregacion
Froperellys past, present, and future,
And the personys here pleand, that the pronunciacion
Of here sentens to be seyd mote be sad and sure.
And that non oblocucyon make this matere obscure,
But it may profite and plese eche persone present,
from the gynnynge to the endynge so to endure,
That Cryst and every creature with the conceyte be content.

This matere here mad is of the modyr of mercy,
How be Joachym and Anne was here concepcion,
Sythe offred into the temple, compiled brefly,
Than maryed to Joseph, and so folwyng the salutacion.
Metyng with Elyzabeth and therwith a conclusyon,
In fewe wurdys talkyd, that it xulde nat be tedyous,
To lernyd nyn to lewd nyn to no man of reson,
This is the processe, now preserve 3ow Jhesus !

Therefore of pes I 3ow pray alle that ben here present,
And take hed to oure talkyn what we xal say,
I be-teche 3ow that lorde that is evyr omnypotent,
To governe 3ow in goodnes, as he best may,
In hevyn we may hym se.
Now God that is hevyn kynge,
Sende us alle hese dere blyssynge,
And to his towre he mote us brynge.
Amen, for charyté !