Hexal cawse the blynde that theixal se,
The def to here, the dome for to speke

Thei that be crokyd, he xal cause hem to goo
In the wey that John Baptyst of prophecyed;
Sweche a leche kam 3ow nevyrnon too,
Wherfore what he comawndyth loke 3e applyed.
That som of 30w be blynd, it may not be denyid ;
for hym that is 3our makere with 30ur gostly ey 3e
xal not knowe;
Of his comaundementes in 3ow gret neclygens is aspyed,
Wherefore def fro gostly heryng clepe 3ow I howe.

And som of 30w may not go, 3e be so crokyd;
for of good werkyng in 3ow is lytyl habundawns,
Tweyn fete hevery man xuld have and it were lokyd,
Wyche xuld bere the body gostly most of substawns;
fyrst is to love God above alle other plesawns;
The secunde is to love thineybore as thin owyn persone;
And yf these tweyn be kepte in perseverawns;
Into the celestyal habytacion 3e arn habyl to gone.

Many of 30w be dome; why? for 3e wole not redresse, Be mowthe 3our dedys mortal but therin don perdure; Of the wyche but 3e have contrycyon and 30w confesse, 3e may not inheryte hevyn, this I 3ow ensure. And of alle these maladyes 3e may have gostly cure, for the hevenly leche is comyng 30w for to vicyte; And as for payment he wole shewe 3ow no redrure, for with the love of 30ure hertys he wole be aqwhyte.

Johannes Apostolus. Onto my brotherys forseyd rehersalle,
That 3e xuld 3eve the more veray confydens,

I come with hym as testymonyalle,
for to conferme I fortefye his sentens.

This lord xal come without resystems,
Onto the cety-ward he is now comyng,

Wherefore dresse 3ow with alle dew dylygens,
To honowre hym as 3our makere and kyng.

And to fulfylle the prophetys prophesé,
Upon an asse he wole hedyr ryde,
Shewing 30w exawmple of humylyté,
Devoydyng the abhomynable synne of pryde.
Wheche hath ny conqweryd alle the werd wyde,
Grettest cause of all 30ur trybulacyon,
Use it ho so wole, for it is the best gyde,
That 3e may have to the place of dampnacyon.

Now, brothyr in God, syth we have intellygens,
That oure Lord is ny come to this ceté,
To attend upon hys precyous presens,
It syttyth to us, as semyth me.
Wherfore to mete with hym now go we,
I wold fere no thynge we where to late;
To the ceté-ward fast drawyth he,
Me semyth he is ny at the gate.

Here spekyth the iiij. ceteseyngs, the fyrst thus seyng,

Primus cives de Jherusalem. Neyborys, gret joye in oure herte we may make, That this hefly kyng wole vycyte this cytč. Secundus cives. Yf oure eerly kyng sweche a jorné xuld take, To don hym honor and worchepe, besy xuld we be. Tertius cives. Meche more than to the hevynly kyng " bownd are we, for to do that xuld be to his persone reverens. Quartus cives. Late us than welcome hym with flowres and brawnchis of the tre, for he wole take that to plesawns becawse of redolens. Here the iiij. ceteseynys makyn hem redy for to mete with oure Lord, goyng barfot and barelegged, and in here shyrtes, savyng thei wal have here gownys cast abouth them ; and quan thei seen oure Lord, thei wal sprede ther clothis beforn hym, and he aral lyth and go ther upon, and thei aral falle downe upon ther knes alle at onys, the fyrst thus seyng,

Primus cives. Now blyssyd he be that in oure Lordys
name,
To us in any wyse wole resorte,
And we beleve veryly that thou dost the same,
For be thi mercy xal spryng mannys comforte.

Here Cryst passyth forth, ther metyth with hym a serteyn of chylderyn with flowres, and cast beform hym, and they synggym “ Gloria Laus,” and beforn on seyth,

Thow sone of Davyd, thou be oure supporte,
At oure last day whan we xal dye,

Wherefore we alle at onys to the exorte,
Cryeng mercy mercy mercye

Jhesu. ffrendys, beholde the tyme of mercy;
The wiche is come now, withowtyn dowth;
Mannys sowle in blysse now xal edyfy,
And the prynce of the werd is cast owth.
As I have prechyd in placys abowth,
And shewyd experyence to man and wyf,
Into this werd Goddys sone hath sowth
for veray love man to revyfe.

The trewthe of trew this xal now be tryede,
And a perfith of corde betwyx God and man,

Wiche trewthe xal nevyr be dyvide,
Confusyon onto the fynd Sathan

Primus pauper homo. Thou sone of Davyd on us have
mercye,
As we must stedfast belevyn in the ;
Thi goodnesse, Lord, lete us be nye,
Wheche lyth blynd here and may not se!

Secundus pauper homo, Lord,lete thimercy to us be sewre,
And restore to us oure bodyly syth !
We know thou may us wel recure,
With the lest poynt of thi gret myth.
Jhesu. 3owre beleve hath made thou for to se,
And delyveryd 3ow fro alle mortal peyne;
Blyssyd be alle tho that beleve on me,
And se me not with here bodyly eyn.

Here Cryst blyssyth here eyn and thei may se, the fyrst &eyng,

Primus pauper homo. Gramercy, Lord! of thi gret grace, I that was blynd, now may se.

Secundus pauper homo. Here I forsake al my trespace, And stedfastly wyl belevyn on the.

Here Cryst procedyth on fote, with his dyscipulys after hym, Cryst wepyng upon the cyté, saying thus,

Jhesu. O Jherusalem woful is the ordenawnce
Of the day of thi gret persecucyon ;
Thou xalt be dystroy with woful grevans,
And thiryalté browth to trew confusyon.
3e that in the ceté han habytacyon,
Theixal course the tyme that thei were borne,
So gret advercyté and trybulacion,
Xal falle on hem bothe evyn and morwyn.

Thei that han most chylderyn sonest xal wayle,
And seyn, alas! what may this meen 2

Both mete and drynk sodeynly xal fayle, -
The vengeance of God ther xal be seen.

The tyme is comyng hes woo xal ben,
The day of trobyl and gret grevauns;

Bothe templys and towrys they xal down cleen,
Oceté ! ful woful is thin ordenawns !