The Holy Gost xal be hys gyde

Into desert therin to abyde,

X1." days a terme ful wyde,

And xl. nyghtes to faste serteyn.

Tertius vexillator.

In the xx." pagent alle the develys of helle,
They gadere a parlement, as 3e xal se,
They have grete doute the trewth to telle,
Of Cryst Jhesu whath he xulde be.
They sende Sathan, that ffynde so ffelle,
Cryst for to tempte in fele degré :
We xal 30w shewe, if 3e wyl dwelle,
How Cryst was temptyd in synnys thre
Of the deyvl Sathane ;

And how Cryst answeryd onto alle,
And made the ffende awey to falle,

As we best may this shewe we xalle,
grace of God and man.

Thorwe

Primus vexillator.

The xxj." pagent of a woman xal be,
The whiche was take in adultrye
The Pharysewys ffalsed ther 3e xal se,
Cryst to convycte how they were slye.
They conseyvyd this sotylté,

Yf Cryst this woman dede dampne trewly, Ageyn his prechyng than dede he,

Whiche was of peté and of mercy;
And yf he dede here save,

Than were he azens Moyses lawe,

That byddyth with stonys she xulde be slawe,

Thus they thowth undyr ther awe

Cryst Jhesu ffor to have.

Secundus vexillator.

The grettest meracle that evyr Jhesus
In erthe wrouth beforn his passyon,
In xxij." pagent we purpose us

To shewe in dede the declaracion.

That pagent xal be of Lazarus,
In whos place and habytacion

Cryst was logyd, the Gospel seyth thus,
And ofte tymes toke ther consolacion.
But 3yt

Lazarus, as I 30w say,

Was iiij. days ded and beryed in clay,

ffrom deth to lyve the iiij. day,

Cryst reysed hym ffrom that pyt.

Tertius vexillator.

In the xxiij." pagent, Palme Sunday,
In pley we purpose ffor to shewe,

How chylderyn of Ebrew with ffloures ful gay,
The wey that Cryst went thei gun to strewe.

Primus vexillator.

In the xxiiij." pagent, as that we may,
Cryst and his apostelys alle on rewe,
The mawnde of God ther xal they play,
And sone declare it with wordys ffewe.
And than

Judas that fals traytour,

ffor xxx." platys of werdly tresour,

Xal betray oure Savyour

To the Jewys certan.

Secundus vexillator.

ffor grevous peyn, this is no les,

In the xxv." pagent, Cryst xal pray

To the fadyr of hevyn that peyn for to ses,
His shamful deth to put away.
Judas that traytour, befor gret pres,

Xal kys his mouthe and hym betray,
Alle his dyscyples than do dyscres,
And forsake Cryst, the sothe to say,
ffor doute thei do hem hede.

Hese dyscyplys alle everychone

Do renne awey and leve hym alone,
They lete hym stondyn amonge his ffon,
And ronne away ffor drede.

Tertius vexillator.

Than in the xxvj." pagent,

To Cayphas Cryst xal be brouth,
Tho Jewys fful redy ther xul be bent,
Cryst to acuse with worde and thouth.
Seynt Petyr doth folwe with good intent,
To se with Cryst what xuld be wrouth;
ffor Crystes dyscyple whan he is hent,

Thryes he doth swere he knew hym nowth,-
A kok xal crowe and crye;

Than doth Petyr gret sorwe make,

ffor he his lord thus dede forsake,

But God to grace hym sone doth take,
Whan he doth aske mercye.

Primus vexillator.

In the xxvij. pagent, sere Pylat

Is sett in sete as hy justyce;

Whan he is set in his astat,

Thre thevys be brout of synful gyse,

And Cryst that lovyd nevyr stryff nor bat,

But trewthe and goodnesse on every wyse,

As for a thef with ryth gret hat,

Is browth to stondyn at that same syse.
And than, as I 30w say,

The wyff of Pylat goth to rest,
Coveryd with clothis al of the best,
Than ffor to slepe she is ful prest,

Alle this we thenke to play.

Secundus vexillator.

In the xxviij. pagent xal Judas,
That was to Cryst a ffals traytour,
With wepyng sore evyr crye, alas,
That evyr he solde oure Savyour.
He xal be sory ffor his trespas,

And brynge azen alle his tresour,
Alle xxx. pens to sere Cayphas,

He xal them brynge with gret dolowre, ffor the whiche Cryst was bow th.

ffor gret whanhope, as 3e xal se,

He hangyth hymself upon a tre,

ffor he noth trostyth in Godys peté,

To helle his sowle is browth.

Tertius vexillator.

In the xxix. pagent, to Pylatus wyff
In slepe aperyth the devyl of helle,

ffor to savyn Crystes lyff,

The devyl here temptyth, as I 30w telle.

Sche sendyth to Pylat anon ful ryff,

And prayth that Cryst he xuld not qwelle;

Than Pylat is besy and ryth blyff,

Cryst for to savyn he 3evyth councelle, ffor he dede nevyr trespas.

The Jewys do crye fast ffor to kylle,

The rythful man thei aske to spylle,

A thef thei save with herty wylle,

That callyd is Barrabas.

Primus vexillator.

In the xxx. pagent thei bete out Crystes blood,
And nayle hym al nakyd upon a rode tre,
Betwen ij. thevys, i-wys they were to wood,

They hyng Cryst Jhesu, gret shame it is to se.
Vij. wurdys Cryst spekyth hangyng upon the rode,
The weche 3e xal here alle tho that wyl ther be,
Than doth he dye ffor oure allether good;

His modyr doth se that syth, gret mornyng makyth she, ffor sorwe she gynnyth to swowne.

Seynt John evyn ther as I 30w plythe,

Doth chere oure lady with al his mythe,
And to the temple anon forth rythe,

He ledyth here in that stownde.

Secundus vexillator.

We purpose to shewe in oure pleyn place,
In the xxxj." pagent, thorwe Godys mythe,
How to Crystes herte a spere gan pace,

And rent oure lordys bryst in ruly plyth.
ffor Longeus that olde knyth, blynd as he was,
A ryth sharpe spere to Crystes herte xal pythe,
The blod of his wounde to his oyn xal tras,

And thorwe gret meracle ther hath he syth.
Than in that morn,

Crystes soule goth downe to helle,

And ther ovyrcomyth the fend so felle,
Comfortyth the soulys that therin dwelle,
And savyth that was fforlorn.

Tertius vexillator.

Joseph and Nycodemus to Cryst trew servaunt
In the xxxij. page [nt] the body thei aske to have.