IVRISPRVDENTIAE ANTEIVSTINIANAE QVAE SVPERSVNT. IN VSVM MAXIME ACADEMICVM COMPOSVIT, RECENSVIT, ADNOTAVIT PH. EDVARDVS HVSCHKE. EDITIO QVARTA DENVO AVCTA ET EMENDATA. LIPSIAE IN AEDIBVS B. G. TEVBNERI. MDCCCLXXIX. 51 en D. CAROLO GVSTAVO ERNESTO DE REINBABEN ET STAMPEN REGIS IN IVDICIO CONVENTVS VRATISLAVIENSIS A CONSILIIS ET SECVNDI CONSILII RECTORI AMICO AB INEVNTE IVVENTVTE FIDE MORIBVS VIRTVTE NVNQVAM NON PROBATO HOS REPVRGATOS COMMVNIVM STVDIORVM FONTES AMICITIAE CAVSA D. D. D. 242993 E. HVSCHKE. PRAEFATIO. Cum ante hoc biennium et quod excedit, a bibliopola de omni genere bonarum litterarum meritissimo rogarer, ut in edenda nova reliquiarum iuris civilis anteiustiniani collectione, quae usibus quidem maxime academicis accómmodata, sed etiam dotibus suis nostro tempore non indigna esset, consilio atque opera mea eum adiuvarem, intellexi quidem opus et informatione et perfectione arduum a me desiderari. Cogitans tamen magnam rei utilitatem et studiorum meorum non alienam a tali opere rationem, deesse desideriis honestissimi viri nolui et alacri studio rem aggressus sum. Iam ad finem perducto opere video hoc loco exspectari a me, ut, quod in eo adornando consilium secutus sim, exponam. Quae expositio in tres partes commode dispescetur. Primum enim quaeritur, quae antiquitatis monumenta hac collectione receperim, deinde quemadmodum ea composuerim, postremo quomodo singula instruxerim. Ad primam quaestionem quod attinet, cum et bibliopolae et meo consilio ad ius civile anteiustinianum eo sensu sylloge nostra spectaret, quo solum ius prudentium auctoritate constitutum intellegitur, constitutiones principum ab ea procul habendae erant, et ne hoc in dubium veniret (meminimus enim, et Gustavum Hugonem et ICtos Bonnenses latiore sensu iuris civilis mentionem suis collectionibus etiam Codices constitutionum complectentibus inscrip |