I. GERMANICUS, Caii Cæsaris pater, Drusi et minoris Antoniæ filius, a Tiberio patruo adoptatus, quæsturam quinquiennio antè quàm per leges liceret, et post eam consulatum statim, gessit : missusque ad exercitum in Germaniam, excessu Augusti nuntiato, legiones universas imperatorem Tiberium pertinacissimè recusantes, et sibi summam reipublicæ deferentes, incertum constantiâ an pietate majore, compescuit; atque hoste mox devicto, triumphavit. Consul deinde iterùm creatus; ac priusquâm honorem iniret, ad componendum Orientis statum expulsus, cùm Armeniæ regem dedis |