PREFACE.

SIR THOMAS COOKE, of Bentley, the Founder of Worcester College, gave two successive codes of ordinances for its government. The latter of these was confirmed by letters patent of King William the Third; dated in the tenth year of his reign: and it is here printed from a copy obtained from the Record Office at the Rolls Chapel.

A third code, superseding the previous statutes, was drawn up by the Trustees of the Founder, and confirmed by letters patent of Queen Anne, in the year 1714. This code is now printed from a manuscript copy, recently purchased from an Oxford bookseller; corrected by collation with an official transcript of the patent of confirmation, which recites it.

Some of the statutes in the code of 1714 were altered by the College in 1840, with the sanction of the Visitor, but without the concurrence of the Crown. And, in 1844, the wills of Mrs. Sarah Eaton and Dr. Clarke were translated into Latin, and added to the statutes.

PATENTS, 10 WIL. III. p. 9. no. 5.

De concessione Worcester REX Omnibus ad quos, &c., saluColledge Charter. tem. Quum fidelis et dilectus noster subditus Benjaminus Woodroffe, sacræ theologiæ professor, et Aulæ Glocestriensis apud Oxoniam Principalis, nobis humillime renuntiaverat quam varias mutationes et detrimenta decursu temporis Aula ista subierit, non exuto tantum collegii nomine, quo per multa sæcula gaudebat, sed antiquiori illa appellatione Bello-siti sive Bellimontis (vulgo Beaumonts), quam a loci amoenitate et situ cum reliqua tum Universitate (utpote extra portam borealem posita, necdum intra muros urbis recepta) communem habuit, fere deperdita; et quod adhuc vetustius erat, nobili illo generali studio, quod ante adventum Saxonum, Britonibus tum in insula hac regnantibus, a Græcolada (vulgo Greeklade) derivaverat, oblivioni quasi penitus dedito. Quum hæc, et multa alia de celeberrimis viris ad ecclesiæ et reipublicæ ornamentum ibidem constanter educatis, renuntiaverat nobis idem istius Aulæ Principalis, donec post longi temporis et sacrilegorum injurias, quibus sub Reformationem, sacello præcipue et bibliotheca, quæ olim satis magnifica fuerant et invidiosa, expilatis ac misere collapsis, necnon et recentiores quas in bello civili accepit clades, in gladiorum bombardarumque fabricas tum mutata, quasi Vulcano magis quam Palladi imposterum sacranda, prorsus desolata jacuit, unde retro omnia fluere, subrui pene totius Aulæ fundamenta, nec quicquam nisi moles ædificiorum imanes, deploranda rudera, et meros ruinarum cumulos ubique conspici. Quum, ad hæc, idem fidelis ac dilectus nobis subditus prædictus Benjaminus Woodroffe nos ultra certiores fecerat quot et quantis ecclesiæ ac reipublicæ commodis subservire adhuc poterat amplissima illa Aula, quantum ad jacta olim ibidem fundamenta locorumque spatia quæ olim occupaverat paucissimis intra Universitatem hanc collegiis tum cedens, si qua olim claruit pietatis ac literarum fama iisdem denuo sacraretur; necnon et sequiori hoc ævo existere viros quosdam clarissimos humanitate summa et liberalitate præditos, quorum piis in animis esset eandem ad antiquas laudes ac collegii nomen, a tempore Reformationis jam deperditum, revocare: modo majestati nostræ allubuerit, pro regia nostra clementia et gratia speciali, tam honesto, laudabili ac pro pio proposito aspirare. Sciatis ergo vos, sciat præsens et futura sæcula, nos horum omnium miseratione intima motos, pro solita ac insita nobis clementia, et tenerrimo simul ac piissimo erga literas literatosque affectu, dedisse et concessisse, et per præsentes has nostras literas patentes dare et concedere, præfato

nostro fideli ac dilecto subdito Benjamino Woodroffe et aliis quibuscunque tam pio operi intentis, libertatem, facultatem et potestatem quamcunque, faciendi ea omnia quæ ad tam pium, nobisque gratissimum opus, rite promovendum ac perficiendum spectant, secundum formam ac tenorem regiæ nostræ chartæ hic annexæ subjunctæque. Imprimis volumus, constituimus, declaravimus, ordinavimus et concessimus, ac per præsentes pro nobis, hæredibus et successoribus nostris, volumus, constituimus, declaramus, ordinamus et concedimus, quod prædicta Aula, communiter vocata Aula Glocestriensis apud Oxoniam prædictam, sit et permaneat imposterum liberum collegium de se per nomen Collegii Wigorniensis. Et ulterius volumus, ac per præsentes pro nobis, hæredibus et successoribus nostris, concedimus, quod de cætero imperpetuum sit [et erit unus gubernator, qui erit et vocabitur Præpositus collegii prædicti : et quod prædictus Benjaminus Woodroffe sit et erit primus Præpositus collegii ejusdem, continuandus in eodem officio durante vita sua naturali. Et ulterius volumus, ac per præsentes, pro nobis, hæredibus et successoribus nostris, concedimus, quod de cætero imperpetuum sint et erunt in collegio prædicto duodecim Socii collegii illius, quorum sex esse Socii seniores et sex alteri Socii juniores. Ac etiam octo scholares de fundamento collegii prædicti. Et quod Præpositus, Socii et scholares, de cætero imperpetuum sint et erunt, vigore præsentium, unum corpus corporatum et politicum in re, facto et nomine, per nomen Præpositi, Sociorum et scholarium, Collegii Wigorniensis in Universitate Oxoniensi. Ac eos et successores suos, per nomen Præpositi, Sociorum et scholarium Collegii Wigorniensis in Universitate Oxoniensi, unum corpus corporatum et politicum in re, facto et nomine, realiter et ad plenum, pro nobis, hæredibus et successoribus nostris, erigimus, facimus, ordinamus, constituimus, declaramus et creamus, per præsentes. Et quod per idem nomen habeant successionem imperpetuum. Et quod ipsi et successores sui, per nomen Præpositi, Sociorum et scholarium, Collegii Wigorniensis prædicti in Oxonia prædicta, sint et erunt, perpetuis futuris temporibus, personæ habiles et in lege capaces ad habenda, perquirenda, recipienda et possidenda, terras, tenementa, libertates, privilegia, franchesias, jurisdictiones et hæreditamenta, eis et successoribus suis, in feodo et perpetuitate, vel pro termino vitæ et vitarum, seu aliter quocunque modo; ac etiam bona et catalla, ac omnes alias res, cujuscunque fuerint generis, naturæ, speciei seu qualitatis; necnon ad danda, concedenda, dimittenda et assignanda, eadem terras, tenementa, hæreditamenta, bona et catalla: ac omnia alia facta et res facienda et exequenda per nomen prædictum. Et quod, per nomen Præpositi, Sociorum et schofarium, Collegii Wigorniensis prædicti in Oxonia prædicta, placitare et implacitari, respondere et responderi, defendere et