ROYAL PATENT OF FOUNDATION. Patent, 1 & 2 PHIL. & MAR., p. 15, m. 18. Pro Thoma Whyte milite, del REX ET REGINA omnibus ad quos licentia erigere Collegium. &c., salutem. Cum jam intelleximus quod dilectus et fidelis subditus noster Thomas Whyte miles, civis et aldermannus civitatis nostræ Londinensis, in voluntate existit ac intendit quoddam collegium perpetuum eruditionis scientiarum, sacræ theologiæ, et philosophiæ, ac bonarum artium, de uno Præsidente et triginta scholaribus graduatis aut non graduatis, aut pluribus vel paucioribus, secundum loci facultates, et juxta ordinationes et statuta per ipsum Thomam Whyte, hæredes, executores vel assignatos suos, vel eorum aliquos vel aliquem, inde fienda, augenda vel munienda, in civitate et Universitate Oxoniæ, in comitatu nostro Oxoniensi, perpetuis futuris temporibus sustinendum et exhibendum, facere, fundare, erigere et stabilire; cumque etiam idem Thomas Whyte nobis humillime supplicaverit ut nos ad collegium prædictum faciendum, fundandum, erigendum et stabiliendum, licentiam nostram regiam concedere dignaremur: Nos nedum præmissa, verum etiam bonam, piam et laudabilem ac devotam, intentionem præfati Thomæ Whyte in præmissis, considerantes, cupientesque intime, quantum in nobis est, ea omnia et singula quæ fidem orthodoxam quoquo modo concernere poterint augmentari, de gratia nostra speciali, ac ex certa scientia et mero motu nostris, concessimus et licentiam dedimus, ac per præsentes concedimus et licentiam damus, pro nobis, hæredibus et successoribus nostrum, præfatæ Reginæ, quantum in nobis est, dicto Thomæ Whyte, quod ipse, hæredes, executores et assignati sui, seu eorum aliqui, vel aliquis, ad laudem et honorem Dei Omnipotentis et beatissimæ semper Virginis Mariæ ejus matris, et Sancti Johannis Baptistæ, quoddam collegium perpetuum eruditionis scientiarum, sacræ theologiæ, philosophiæ, et bonarum artium, de uno Præsidente et triginta scholaribus, graduatis aut non graduatis, vel pluribus aut paucioribus, ut prædictum est, juxta ordinationes et statuta per ipsum Thomam Whyte, ejusve hæredes, executores aut assignatos, eorumve aliquos aut aliquem, in ea parte fienda, condenda, statuenda et stabilienda, in civitate sive Universitate Oxoniensi prædicta, in quodam capitali messuagio sive domo ibidem, cum pertinentiis, nuper vocato Barnard College, situato et existente in parochia Sanctæ Mariæ Magdalenæ, extra quandam portam dictæ civitatis Oxoniensis vocatam Le Northgate, erigere, fundare et stabilire, possit et valeat, possint et valeant, perpetuis futuris temporibus duraturum. Et quod idem Thomas Whyte, hæredes, executores vel assignati sui, aut eorum aliqui seu aliquis, idoneam personam quamcunque ecclesiasticam in Præsidentem et pro Præsidente ipsius collegii, necnon alias personas quascunque in scholares ejusdem collegii, per ipsum Thomam Whyte, hæredes, executores vel assignatos suos, aut eorum aliquos vel aliquem, eligendas et assumendas, præficere, creare et ordinare, valeat seu valeant, secundum ordinationes et statuta per eundem Thomam Whyte, hæredes, executores vel assignatos suos, aut eorum aliquos vel aliquem, pro bona et salubri gubernatione ac regimine eorundem, fienda, condenda et stabilienda. Et ulterius volumus, et pro nobis, hæredibus et successoribus nostrum prædictæ Reginæ, per præsentes concedimus, quod prædictum collegium, cum sic erectum, factum, fundatum et stabilitum, fuerit, Collegium Sancti Johannis Baptistæ, vulgariter Anglice Sainte John Baptiste College, in Universitate Ŏxoniensi, imperpetuum appelletur et nuncupetur. Et quod Præsidens et scholares collegii illius sint unum corpus corporatum et politicum, in re et nomine, habeantque successionem perpetuam. Quodque iidem Præsidens et scholares Præsidens et scholares Collegii Sancti Johannis Baptista, vulgariter Anglice Saynte John Baptiste Colledge, in Universitate Oxoniensi, imperpetuum appellentur et nuncupentur. Et quod dicti Præsidens et scholares et successores sui, per nomen Præsidentis et scholarium Collegii Sancti Johannis Baptista, vulgariter Anglice Saynte John Baptiste Colledge, in Universitate Oxoniensi, sint personæ habiles, capaces, aptæ, et perpetuæ in lege, ad perquirenda et recipienda domínia, maneria, terras, tenementa, redditus, reversiones, rectorias, portiones, pensiones, annuitates, hæreditamenta, possessiones et servitia quæcunque, tam spiritualia quam temporalia, ac omnia bona et catalla quæcunque, tam de dono nostro, hæredum vel successorum nostrorum, quam de dono ipsius Thomæ Whyte, hæredum, executorum vel assignatorum suorum, seu aliorum quorumcunque; habenda et tenenda sibi et eorum successoribus imperpetuum. Ac etiam, quod iidem Præsidens et scholares et successores sui, per nomen Præsidentis et scholariorum Collegii Sancti Johannis Baptistæ, vulgariter Anglice Saynte John Baptiste Colledge, in Universitate Oxoniensi, et sub eodem nomine, placitare et implacitari, prosequi, defendere et defendi, respondere et responderi, possint et valeant, in omnibus et singulis causis, querelis, actionibus realibus, personalibus et mixtis, cujuscunque generis fuerint sive naturæ, in quibuscunque placeis, locis et curiis, nostris, hæredum et successorum nostrum prædictæ Reginæ, ac placeis, locis et curiis, aliorum quorumcunque, coram quibuscunque justitiariis, et judicibus ecclesiasticis et sæcularibus infra hoc regnum nostrum Angliæ aut alibi; et ad ea, ac ad omnia et singula alia, facienda, agenda et recipienda, prout et in eodem modo quo cæteri ligei nostri, personæ habiles et capaces in lege infra idem regnum nostrum, faciunt et facere poterunt in curiis, placeis et locis prædictis, et coram justitiariis et judicibus supradictis. Necnon quod prædicti Præsidens et scholares et eorum successores habeant unum commune sigillum, pro negotiis suis et successorum suorum agendis imperpetuum serviturum. Et ulterius de uberiori gratia nostra speciali concessimus, et pro nobis ac hæredibus et successoribus nostrum prædictæ Reginæ per præsentes licentiam dedimus et damus specialem, quantum in nobis est, præfato Thomæ Whyte, hæredibus, executoribus et assignatis suis, quod, postquam collegium prædictum, ut prædicitur, fundatum, erectum, factum, creatum et stabilitum, fuerit, idem Thomas, hæredes executores vel assignati sui, ac aliæ personæ quæcunque, sive alia persona quæcunque, maneria, terras, tenementa, redditus, reversiones, servitia, rectorias, portiones, annuitates, pensiones, et advocationes ecclesiarum, ac omnia ac omnimoda alia hæreditamenta et possessiones quæcunque, tam spiritualia quam temporalia, ad valorem sexcentarum librarum per annum ultra omnia onera et reprisas, tam de feodo suo proprio quam alieno, licet de nobis in capite vel aliter, aut aliquo alio modo, seu de aliquibus aliis personis, sive de aliqua alia persona quacunque teneantur, Præsidenti et scholaribus ejusdem collegii pro tempore existentibus, et successoribus suis, dare et concedere, assignare et legare, possit et possint, valeat et valeant; habenda, tenenda et gaudenda, eisdem Præsidenti, scholaribus et successoribus suis, imperpetuum. Et eisdem Præsidenti et scholaribus, et successoribus suis, quod ipsi maneria, terras, tenementa, redditus, reversiones, servitia, rectorias, portiones, pensiones, annuitates, et omnia et omnimoda alia hæreditamenta et possessiones quæcunque, tam spiritualia quam temporalia, ad valorem sexcentarum librarum per annum ultra omnia onera et reprisas, a præfato Thoma Whyte, hæredibus, executoribus vel assignatis suis, et quibuscunque aliis personis seu quacunque alia persona ea eis dare vel concedere volente vel volentibus, recipere possint, et tenere sibi et successoribus suis prædictis imperpetuum, sicut prædictum est, tenore præsentium similiter licentiam damus et per præsentes concedímus specialem; statuto de terris et tenementis ad manum mortuam non ponendis, aut aliquo alio statuto, actu, ordinatione, provisione sive restrictione, incontrarium inde factis, editis, ordinatis seu provisis, aut aliqua alia re, causa, vel materia quacunque, in aliquo non obstantibus. Et hoc absque aliqua inquisitione, sive aliquibus inquisitionibus, inde prætextu alicujus brevis seu mandati nostri vel aliquorum brevium seu mandatorum nostrorum, aut hæredum vel successorum nostrum prædictæ Reginæ, de "Ad quod damnum," seu alicujus alterius brevis, concessionis, mandati seu præcepti nostri, hæredum vel successorum nostrorum prædictæ Reginæ, in hac parte fiendis, prosequendis seu capiendis, et in Cancellariam nostram, hæredum vel successorum nostrum prædictæ Reginæ, seu alibi, retornandis; et absque aliquibus aliis literis nostris patentibus, sive warrantis nostri aut hæredum vel successorum nostrum prædictæ Reginæ, de, in sive pro, præmissis vel aliquo præmissorum, quovis modo impetrandis, habendis sive fiendis; aliquibus statutis, actibus sive ordinationibus, incontrarium inde factis, editis sive ordinatis, non obstantibus. Nolentes quod prædicti Præsidens et scholares, vel eorum successores, Præsidens et scholares præfati collegii, qui pro tempore fuerint, aut successores sui, ratione seu occasione præmissorum vel eorum alicujus, per nos, hæredes et successores nostros, justitiarios, escaetores, vicecomites, seu alios ballivos aut ministros nostros, vel hæredum aut successorum nostrorum quoscunque, impetantur, inquietentur, molestentur in aliquo, seu graventur. Et ulterius, de uberiori gratia nostra, concessimus, et per præsentes concedimus, præfato Thomæ Whyte, quod literæ nostræ patentes in hac parte conficiendæ, sub magno sigillo nostro Angliæ sigillatæ, eidem Thomæ Whyte, executoribus vel assignatis suis, vel eorum alicui, habeantur et deliberentur, absque fine et feodo magno vel parvo, seu aliqua alia re, in Hanaperio Cancellariæ nostræ seu alibi, ad opus nostrum, hæredum vel successorum nostrorum, pro eisdem seu aliqua parte eorundem, quovismodo solvendis vel faciendis. Eo quod expressa mentio, &c. cujus rei, &c. Testibus Rege et Regina, apud Westmonasterium, primo die Maii. Per breve de Privato Sigillo, &c. In STATUTES OF ST. JOHN'S COLLEGE, OXFORD. TABLE OF CHAPTERS. 8. De Vicepræsidentis qualitate et officio 9. De Vicepræsidentis electione 10. De Decanorum qualitate et officio, in theologia et artibus 11. De qualitate dispensatorum, et eorum officio 12. De qualitate et circumstantiis eligendorum in scholares 15. De admissione scholarium in veros Socios dicti collegii post annos probationis, et eorum juramento 16. De numero studentium in unaquaque scientia et facultate, et professione juris utriusque, tam canonici quam civilis 17. De Decano juridica facultatis, ejusque officio. 21. De divinis officiis et feriis observandis 22. De missis quotidie dicendis. 23. De precibus et suffragiis aliis a singulis privatim et publice |