Huic comitém Asbuten conjectâ cuspide mittit, Chloreaque, Sybarimque, Daretaque, Thersilochumque, Et sternacis equi lapsum cervice Thymœten. Ac velut Edoni Boreæ quum spiritus alto Insonat Egæo, sequiturque ad littora fluctus Quà venti incubuêre, fugam dant nubila cœlo: Sic Turno, quacumque viam secat, agmina cedunt, Conversæque ruunt acies; fert impetus ipsum, Et cristam adverso curru qualit aura volantem. Non tulit instantem Phegeus animisque frementem; Objecit sese ad currum, et spumantia frenis Ora citatorum dextrâ detorsit equorum.
Dùm trahitur pendetque jugis, hunc lata retectum Lancea consequitur, rumpitque infixa bilicem Loricam, et summum degustat vulnere corpus. Ille tamen clypeo objecto conversus in hostem Ibat, et auxilium ducto mucrone petebat : Quùm rota præcipitem et procursu concitus axis Împulit, effuditque solo; Turnusque secutus, Imam inter galeam, summi thoracis et oras, Abstulit ense caput, truncumque reliquit arena. Atque ea dùm campis victor dat funera Turnus, Intereà Ænean Mnestheus, et fidus Achates, Ascaniusque comes castris statuêre cruentum, Alternos longâ nitentem cuspide gressus. Sævit, et infractâ luclatur arundine telum Eripere, auxilioque viam, quæ proxima, poscit: Ense secent lato vulnus, telique late bram Rescindant penitùs, seseque in bella remittant. Jamque aderat Phœbo ante alios dilectus lapis Iasides; acri quondam cui captus amore Ipse suas artes, sua munera, lætus Apollo Augurium citharamque dabat celeresque sagittas. Ille, ut depositi proferret fata parentis,
Scire potestates herbarum usumque medendi Maluit, et mutas agitare inglorius artes.
Stabat, acerba fremens, ingentem nixus in hastam, Eneas, magno juvenum et morentis Iuli Concursu, lacrymis immobilis. Ille retorto
Pæonium in morem senior succinctus amictu, Multa manu medicâ Phœbique potentibus herbis Nequidquam trepidat; nequidquam spicula dextrà Sollicitat, prensatque tenaci forcipe ferrum : Nulla viam fortuna regit, nihil auctor Apollo Subvenit; et sævus campis magis ac magis horror Crebrescit, propiusque malum est. Jam pulvere cœlum Stare vident; subeunt equites, et spicula castris Densa cadunt mediis: it tristis ad æthera clamor Bellantum juvenum, et duro sub Marte cadentům, Hic Venus, indigno nati concussa dolore, Dictamnum genitrix cretæâ carpit ad Idå, Puberibus caulem foliis et flore comantem Purpureo: non illa feris incognita capris Gramina, quùm tergo volucres hæsere sagittæ. Hoc Venus, obscuro faciem circumdata nimbo, Detulit; hoc fusum labris splendentibus amnem Inficit, occultè medicans, spargitque salubris Ambrosiæ succos et odoriferam panaceam. Fovit eâ vulnus lymphâ longævus lapis, Ignorans subitòque omnis de corpore fugit Quippe dolor; omnis stetit imo vulnere sanguis. Jamque secuta manum, nullo cogente, sagitta Excidit, atque novæ rediêre in pristina vires. << Arma citi properate viro! quid statis? » Iapis Conclamat, primusque animos accendit in hostem: «Non hæc humanis opibus, non arte magistrá Proveniunt, neque te, Ænea, mea dextera servat: Major agit Deus, atque opera ad majora remittit. » Ille, avidus pugnæ, suras incluserat auro
Hinc atque hinc, oditque moras, hastamque coruscat. Postquam habilis lateri clypeus loricaque tergo est, Ascanium fusis circùm complectitur armis, Summaque per galeam delibans oscula fatur : « Disce, puer, virtutem ex me verumque laborem, Fortunam ex aliis. Nunc te mea dextera bello Defensum dabit, et magna inter præmia ducet. Tu facito, mox quùm matura adoleverit ætas, Sis memor, et, te animo repetentem exempla tuorum,
Et pater Æneas, et avunculus excitet Hector.» Hæc ubi dicta dedit, portis sese extulit ingens, Telum immane manu quatiens; simul agmine denso Antheusque Mnestheusque ruunt; omnisque relictis Turba fluit castris: tùm cæco pulvere campus Miscetur, pulsuque pedum tremit excita tellus. Vidit ab adverso venientes aggere Turnus, Vidêre Ausonii, gelidusque per ima cucurrit Ossa tremor. Prima ante omnes Juturna Latinos Audiit, agnovitque sonum, et tremefacta refugit. Ille volat, campoque atrum rapit agmen aperto. Qualis ubi ad terras abrupto sidere nimbus It mare per medium: miseris, heu! præscia longè Horrescunt corda agricolis : dabit ille ruinas Arboribus stragemque satis; ruet omnia latè: Antevolant sonitumque ferunt ad littora venti: Talis in adversos ductor rhæteius hostes Agmen agit: densi cuneis se quisque coactis Agglomerant. Ferit ense gravem Tymbræus Osirim; Archetium Mnestheus, Epulonem obtruncat Achates, Ufentemque Gyas; cadit ipse Tolumnius augur,iu Primus in adversos telum qui torserat hostes. ThunainQ Tollitur in cœlum clamor, versique vicissim Pulverulenta fugâ Rutuli dant terga per agros.vap Ipse neque aversos dignatur sternere morti; iba Nec pede congressos æquo, nec tela ferentes Insequitur: solum densâ in caligine Turnum Vestigat lustrans, solum in certamina poscit.
Hoc concussa metu mentem Juturna virago igioz Aurigam Turni media inter lora Metiscum Excutit, et longè lapsum temone relinquit: Ipsa subit, manibusque undantes flectit habenas, Cuncta gerens, vocemque, et corpus, et arma Metisci. Nigra velut magnas domini quùm divitis ædes Pervolat et pennis alta atria lustrat hirundo, of Pabula parva legens nidisque loquacibus escas; Et nunc porticibus vacuis, nunc humida circum Stagna sonat: similis medios Juturna per hostes Fertur equis, rapidoque volans obit omnia curru:
Jamque hic germanum, jamque hic ostentat ovantem; Nec conferre manum patitur; volat avia longè. Haud minùs Æneas tortos legit obvius orbes, Vestigatque virum, et disjecta per agmina magnâ Voce vocat. Quoties oculos conjecit in hostem, Alipedumque fugam cursu tentavit equorum, Aversos toties currus Juturna retorsit.
Heu! quid agat? vario nequidquam fluctuatæstu, Diversæque vocant animum in contraria curæ. Huic Messapus, utì lævâ duo fortè gerebat Lenta, levis cursu, præfixa hastilia ferro, Horum unum certo contorquens dirigit ictu. Substitit Æneas, et se collegit in arma,
Poplite subsidens: apicem tamen incita summum Hasta tulit, summasque excussit vertice cristas. Tùm verò assurgunt iræ, insidiisque subactus, Diversos ubi sensit equos currumque referri, Multa Jovem et læsi testatus fœderis aras, Jam tandem invadit medios, et Marte secundo Terribilis, sævam nullo discrimine cædem Suscitat, irarumque omnes effundit habenas.
Quis mihi nunc tot acerba Deus, quis carmine cædes Diversas, obitumque ducum, quos æquore toto Inque vicem nunc Turnus agit, nunc troius heros, Expediat? Tanton' placuit concurrere motu, Jupiter, æternâ gentes in pace futuras!
Eneas Rutulum Sucronem (ea prima ruentes Pugna loco staluit Teucros) haud multa moratus Excipit in latus, et, quà fata celerrima, crudum Transadigit costas et crates pectoris ensem. Turnus equo dejectum Amycum, fratremque Diorem, Congressus pedes, hunc venientem cuspide longâ, Hanc mucrone ferit; curruque abscissa duorum Suspendit capita, et rorantia sanguine portat. Ile Talon, Tanaïmque neci, fortemque Cethegum, Tres uno congressu, et mæstum mittit Onylen, Nomen echionium, matrisque genus Peridiæ: Hic fratres Lycia missos et Apollinis agris, Et juvenem exosum nequidquam bella Menoten
Arcada; piscosæ cui circum flumina Lernæ Ars fuerat, pauperque domus ; nec nota potentûm Munera; conductâque pater tellure serebat. Ac velut immissi diversi partibus ignes Arentem in silvam et virgulta sonantia lauro; Aut ubi decursu rapido de montibus altis Dant sonitum spumosi amnes, et in æquora currunt, Quisque suum populatus iter: non segniùs ambo Eneas Turnusque ruunt per prælia: nunc, nunc Fluctuat ira intùs; rumpuntur nescia vinci Pectora ; nunc totis in vulnera viribus itur. Murranum hic, atavos et avorum antiqua sonantem Nomina, per regesque actum genus omne Latinos, Præcipitem scopulo atque ingentis turbine saxi Excutit, effunditque solo: hunc lora et juga subter Provolvere rotæ ; crebro super ungula pulsu Incita nec domini memorum proculcat equorum. Ille ruenti Hyllo animisque immanè frementi Occurrit, telumque aurata ad tempora torquet: Olli per galeam fixo stetit hasta cerebro. Dextra nec tua te, Graiûm fortissime, Creteu, Eripuit Turno; nec Di texêre Cupencum, Eneâ veniente, sui: dedit obvia ferro Pectora, nec misero clypei mora profuit ærei. Te quoque laurentes viderunt, Æole, campi Oppetere, et latè terram consternere tergo: Occidis, argivæ quem non potuêre phalanges Sternere, nec Priami regnorum eversor Achilles; Hic tibi mortis erant meta: domus alta sub Ida; Lyrnessi domus alta; solo laurente sepulcrum. Totæ adeò conversæ acies, omnesque Latini, Omnes Dardanidæ, Mnestheus, acerque Serestus, Et Messapus equum domitor, et fortis Asylas, Tuscorumque phalanx, Evandrique Arcadis alæ : Pro se quisque viri summâ nituntur opum vi; Nec mora, nec requies; vasto certamine tendunt. Hic mentem Æneæ genitrix pulcherrima misit, Iret ut ad muros, urbique adverteret agmen Ociùs, et subitâ turbaret clade Latinos.
« PreviousContinue » |