PATIE AND ROGER. (FROM THE GENTLE shepherd.) BENEATH the south side of a craigy beild, Where crystal springs their halesome waters yield, Patie. This sunny morning, Roger, cheers my blood, And puts all nature in a jovial mood. How heartsome it's to see the rising plants! To hear the birds chirm o'er their pleasing rants! How halesome it's to snuff the cauler air, And a' the sweets it bears, when void o' care! Roger. I'm born, O Patie, to a thrawart fate! Patie. The bees shall loathe the flow'r, and quit the hive, The saughs on boggy ground shall cease to thrive, Shall spoil my rest, or ever force a tear. Roger. Sae might I say; but it's no easy done They dit their lugs, syne up their leglens cleek, For ilka sheep ye hae, I'll number ten, An' should, as ane may think, come farer ben. Patie. But aiblins, neibour, ye have not a heart, And downa eithly wi' your cunzie part. If that be, what signifies your gear? A mind that's scrimpit never wants some care. Roger. My byar tumbl'd, nine braw nowt were smoored, Three elf-shot were; yet I these ills endur'd: In winter last my cares were very sma', Tho' scores o' wathers perish'd in the snaw. Patie. Were your bein rooms as thinly stock'd as mine, Less ye wad lose, and less ye wad repine. He that has just enough can soundly sleep; The o'ercome only fashes fouk to keep. Roger. May plenty flow upon thee for a cross, Patie. Sax good fat lambs, I sald them ilka clute At the West-port, and bought a winsome flute, Than you, wi' a' your cash, ye dowie fool! Roger. Na, Patie, na! I'm nae sic churlish beast: Some other thing lies heavier at my breast; I dream'd a dreary dream this hinder night, That gars my flesh a' creep yet wi' the fright. To ane wha you and a' your secrets kens; Tak courage, Roger, me your sorrows tell, And safely think nane kens them but yoursel. Roger. Indeed, now, Patie, ye hae guess'd owre true, And there is naething I'll keep up frae you. Me dorty Jenny looks upon asquint, To speak but till her I daur hardly mint; In ilka place she jeers me air and late, But yesterday I met her yont a knowe, She Bauldy loes, Bauldy that drives the car, Patie. But Bauldy loes not her, right weel I wat, Roger. I wish I cou'dna loe her-but, in vain, I still maun doat, and thole her proud disdain. My Bawty is a cur I dearly like, Even while he fawn'd, she strak the poor dumb tyke; She wad hae shawn mair kindness to my beast. Wi' a' her face she shaws a cauldrife scorn. Last night I play'd, (ye never heard sic spite!) Yet, tauntingly, she at her cousin speer'd, Gif she cou'd tell what tune I play'd, and sneer'd. I'll break my reed, and never whistle mair. Patie. E'en do sae, Roger, wha can help misluck, Saebeins she be sic a thrawn-gabbit chuck? Yonder's a craig, sin' ye hae tint a' houp, Gae till't your ways, and tak the lover's loup. Roger. I needna mak sic speed my blood to spill, I'll warrant death come soon eneugh a-will. Patie. Daft gowk! leave aff that silly whinging way; Seem careless, there's my hand ye'll win the day. Hear how I serv'd my lass I looe as weel, Neat, neat she was, in bustine waistcoat clean, As she came skiffing o'er the dewy green: Blythesome, I cry'd, "My bonny Meg, come here, I ferly wherefore ye're sae soon asteer; |