Consule Pompeio primum, duo, Cinna, solebant Mochi: illo facto consule nunc iterum, Manserunt duo: sed creverunt millia in unum Singula: fecundum semen adulterio.
Formiano saltu non falso Mentula dives Fertur: qui quot res in se habet egregias ! Aucupia omne genus, pisces, prata, arva, ferasque ; Nequidquam fructus sumtibus exsuperat. Quare concedo sit dives, dum omnia desint. Saltum laudemus, dum modo ipse egeat.
Mentula habet [instar] triginta jugera prati, Quadraginta arvi: cætera sunt maria. Cur non divitiis Cræsum superare potis sit, Uno qui in saltu tot bona possideat ;
Prata, arva, ingentes silvas, saltusque, paludesque, Usqué ad Hyperboreos, et mare ad Oceanum? 6 Omnia magna hæc sunt: tamen ipse est maximus [ultor,]
Non homo, sed vere mentula magna, minax.
Sæpe tibi studioso animo venanda requirens Carmina uti possem mittere Battiada, Quis te lenirem nobis, neu conarere Infestum telis icere, musca, caput;
Hunc video mihi nunc frustra sumtum esse laborem,
Gelli, nec nostras hinc valuisse preces. Contra, nos tela ista tua evitamus amictu: At, fixus nostris, tu dabi' supplicium.
CUM QUARTO SULPICIÆ ET ALIORUM,
sedulâ recensione accurati.
Divitias alius fulvo sibi congerat auro, Et teneat culti jugera multa soli, Quem labor assiduus vicino terreat hoste, Martia cui somnos classica pulsa fugent: Me mea paupertas vitæ traducat inerti, Dum meus assiduo luceat igne focus. Ipse [seram] teneras maturo tempore vites Rusticus, et facili grandia poma manu. Nec Spes destituat; sed frugum semper acervos Præbeat, et pleno pinguia musta lacu. Nam veneror, seu stipes habet desertus in agris, Seu vetus in trivio florea serta lapis: Et quodcumque mihi pomum novus educat annus, Libatum agricolæ ponitur ante Deo. Flava Ceres, tibi sit nostro de rure corona Spicea, quæ templi pendeat ante fores; Pomosisque ruber custos ponatur in hortis, Terreat ut sævâ falce, Priapus, aves. Vos quoque, felicis quondam, nunc pauperis, agri Custodes, fertis munera vestra, Lares. Tunc vitula innumeros lustrabat cæsa juvencos: Nunc agna exigui est hostia magna soli. Agna cadet vobis, quam circum rustica pubes Clamet, Iö! messes et bona vina date.
« PreviousContinue » |